Hver er kylfingurinn: Ernie Els (4. grein af 7)

Árin 2003-2005: Hinir 5 stóru

Á árinu 2003 varð Ernie Els í fyrsta sinn efstur á stigalista Evróputúrsins. Jafnvel þó að hann léki í færri mótum en samkeppnin, vann Els fjórum sinnum og varð 3 sinnum í 2. sæti. Honum gekk líka vel í Bandaríkjunum, en hann vann á Mercedes Championship og Sony Open og varð meðal 20 efstu í öllum 4 risamótunum þ.á.m. varð hann í 5. sæti á US Open og í 6. sæti bæði á Masters og PGA Championship. Til þess að kóróna allt saman vann Ernie Els heimsmeistaratitilinn í holukeppni í 5. sinn, sem var met. Árið 2003 varð hann í 37. sæti á SABC´s Great South Africans (þ.e. sá sem var í 37. sæti yfir þekktustu menn frá Suður-Afríku).

Árið 2004: Árangur innan um vonbrigði

Árið 2004 var annað ár árangurs en Els vann 6 sinnum á báðum mótaröðum þ.á.m. stóra sigra á WGC-American Express Championship og á 6. World Match Play Championship móti sínu, sem var nýtt met. En árangri hans lauk ekki þar. Els sýndi undraverðan stöðugleika á risamótunum en tapaði fyrir Phil Mickelson á Masters þegar Mickelson náði fugli á 18. holu og hreppti titilinn; Els varð í 9. sæti á US Open eftir að hafa spilað í lokahópnum með vini sínum og landa, Retief Goosen og tapaði öllum að óvörum í bráðabana á Opna breska fyrir hinum þá óþekkta Todd Hamilton. Ernie Els átti eftir 14 feta (4,3 metra) pútt fyrir fugli á lokaholu eftir 71 holu spil en missti púttið og tapaði umspilinu. Els varð síðan í 4. sæti á PGA Championship, þar sem þrípútt 72. holunni kostaði hann sæti í bráðabana. Allt í allt varð Ernie 16 sinnum meðal 10 efstu og í 2. sinn efstur á stigalista Evróputúrsins og jafnframt í 2. sæti á peningalistanum í Bandaríkjunum.

Árið 2004 var upphaf „hinna stóru fimm” sem er notað til lýsa tímabili í golfinu þegar Tiger Woods, Vijay Singh, Ernie Els, Retief Goosen og Phil Mickelson drottnuðu yfir öllu í golfinu. Þessir 5 voru þeir einu sem höfðu sætaskipti sín á milli á toppi heimslistans: athyglisverðust voru e.t.v. skiptin þegar Vijay Singh tókst að ná 1. sætinu af Tiger.  En þessir 5 héldust meira og minna í topp-5 sætunum  á heimslistanum frá 2004 til ársbyrjunar 2007. Milli sín áttu þeir 9 risamótstitla og í mörgum þeirra móti öttu einverjir eða allir kappi við hver aðra. Árið 2005 meiddist Ernie Els á hné þegar hann var á siglingu með fjölskyldu sinni í Miðjarðarhafinu. Þrátt fyrir að missa af nokkrum mánuðum af 2005 keppnistímabilinu vann Ernie 2. mótið eftir að hann sneri aftur, en það var Dunhill Championship.