Pat Bradley. Maðurinn til hægri í röndótta bolnum er bróðir hennar og faðir Keegan Bradley – en hann var oft kylfuberi Pat og starfar í dag sem golfkennari

Ragnheiður Jónsdóttir | október. 7. 2011 | 21:00

13 kvenstjörnur golfsins nr. 9: Pat Bradley

Í dag ef spurt yrði hver Pat Bradley væri, þá myndu eflaust flestir svara: „Hún er frænka Keegan Bradley, nýliðans sem vann PGA Championship risamótið í ár (2011).”

En hver er annars Pat Bradley?

Pat fæddist í Westford, Massachusetts 24. mars 1951 og átti því 60 ára stórafmæli á árinu. Hún hefir sigrað á 31 móti á LPGA, þar af 6 risamótum. Hún sigraði á New Hampshire Amateur árin 1967 og 1969 og New England Amateur árin 1972-73. Sem hluti af golfliði Florida International University var hún útnefnd All-American árið 1970. Sem áhugamaður varð hún jöfn annarri í 12. sæti á móti á LPGA árið 1973 þ.e. á Burdine’s Invitational.

Bradley komst á LPGA túrinn 1974 og vann í fyrsta sinn á Girl Talk Classic árið 1976 (og varð líka 6 sinnum í 2. sæti það ár). Hún sló fyrst rækilega í gegn árið 1978 þegar hún vann 3 sinnum. Hápunktur blómaskeiðs hennar voru árin um miðbik 9. áratugarins (1980 og eitthvað), þegar hún sigraði 3 sinnum. Hún átti flesta sigra á LPGA á árunum 1983 (4) og 1986 (5). Sigur á fyrsta risamóti Pat kom árið 1980 en þá vann hún Peter Jackson Classic, síðan bætti hún við sigri á U.S. Women’s Open 1981 og á du Maurier Classic 1985.

Árið 1986 vann Pat 3 af 4 risamótum LPGA á einu og sama árinu – du Maurier Classic, Nabisco Dinah Shore, og LPGA Championship. Hún varð í 5. sæti á U.S. Women’s Open. Hún var efst á peningalistanum og vann Vare Trophy það árið líka. Árið 1988 var Pat Bradley greind með Graves Disease. Hún spilaði á 17 mótum en náði aðeins niðurskurði í 8. Hún kom sér aftur í form 1989 og sigraði 1 sinni það ár. Þrír frekari sigrar fylgdu árið 1990.

Árið 1991, vann Pat 4 sinnum og náði í annað skipti efsta sætinu á peningalistanum og fyrir lægsta skor og eins var hún útnefnd LPGA kylfingur ársins, í 2. sinn. Jafnframt fékk hún inngöngu í frægðarhöll kylfinga. Í könnun þar sem úrtakið voru leikmenn LPGA og birt var 22. júlí 1992 í New York Times var Pat talin vera sú sem púttaði best af löngu færi, hún var besti leikskipuleggjandinn og besti kylfingurinn á (LPGA) túrnum. Síðustu sigrar Pat komu 1995.

Íþróttasálfræðingurinn Bob Rotella skrifaði í bók sinni „Golf Is a Game of Confidence” að Pat Bradley væri sá kylfingur sem byggi yfir mestu andlegu hörkunni. Hún vann 31 mót á LPGA. Hún er í 3. sæti á eftir Mickie Wright og Louise Suggs til þess að hafa lokið við LPGA „Career Grand Slam“.

Pat Bradley spilaði í 3 Solheim Cup liðum (1990, 1992, 1996) og var fyrirliði árið 2000. Pat sigraði á LPGA 31 sinnum:

▪ 1976 (1) Girl Talk Classic

▪ 1977 (1) Bankers Trust Classic

▪ 1978 (3) Lady Keystone Open, Hoosier Classic, Rail Charity Classic

▪ 1980 (2) Greater Baltimore Golf Classic, Peter Jackson Classic

▪ 1981 (2) Women’s Kemper Open, U.S. Women’s Open

▪ 1983 (4) Mazda Classic of Deer Creek, Chrysler-Plymouth Charity Classic, Columbia Savings Classic, Mazda Japan Classic

▪ 1985 (3) Rochester International, du Maurier Classic, LPGA National Pro-Am,

▪ 1986 (5) Nabisco Dinah Shore, S&H Golf Classic, LPGA Championship, du Maurier Classic, Nestle World Championship

▪ 1987 (1) Standard Register Turquoise Classic

▪ 1989 (1) AI Star/Centinela Hospital Classic

▪ 1990 (3) Oldsmobile LPGA Classic, Standard Register Turquoise Classic, LPGA Corning Classic