F.v.: Ólafía Þórunn Kristinsdóttir, GR; Valdís Þóra Jónsdóttir, GL og Guðrún Brá Björgvinsdóttir, GK.
Ragnheiður Jónsdóttir | september. 26. 2012 | 13:15

Heimsmeistaramót kvenlandsliða áhugamanna hefst á morgun

Stærsta verkefni landsliðsins er framundan, Heimsmeistaramót áhugamanna í golfi. Mótið fer fram í Antalya í Tyrklandi. Á heimsmeistaramótinu (ensk. World Amateur Team Championships) er leikið um hina eftirsóttu bikara, Einsenhower Trophy í karlaflokki og Espirito Santo Trohpy í kvennaflokki. Núverandi heimsmeistarar í karlaflokki eru Frakkland en Kórea í kvennaflokki, en mótið fór síðast fram í Argentínu 2010.

Heimsmeistaramót áhugamanna, er liðakeppni þar sem hver þjóð sendir þrjá kylfinga til leik í karlaflokki og þrjá í kvennaflokki. Leiknar eru 72 holur eða fjórir 18 holu hringir og telja tvö bestu skorin eftir hvern hring. Alls eru 56 þjóðir skráðar til leiks í kvennaflokki og 72 þjóðir í karlaflokki. Leiðið verður á fjórum mismundandi völlum sem allir tilheyra Belek golfvallarsvæðinu „Golf Paradís Antalya“ . Meðal valla sem leikið er á eru vellir hannaðir er af Sir Nick Faldo og Michel Gayon sem er einn af leiðandi hönnuðum golfvalla í Evrópu.

Um Espirito Santo Trohpy sem er heitið á kvennabikarnum, er leikið dagana 27.-29. september á Gloria Golf Club Old and New Course. Um Eisenhower Trohpy sem er heitið á karlabikarnum er leikið á Cornelia Golf Club og Antalya Golf Club (Sultan Course). Eisenhower Trophy er leikið dagana 4.-7. október.

Landslið Íslands skipa í kvennaflokki þær, Guðrún Brá Björgvinsdóttir GK, Ólafía Þórunn Kristinsdóttir GR og Valdís Þóra Jónsdóttir GL.

Í karlaflokki eru það kylfingarnir, Axel Bóasson GK, Haraldur Franklín Magnús GR og Rúnar Arnórsson GK.

Liðstjóri beggja liða er Ragnar Ólafsson og einnig er Úlfar Jónsson landsliðsþjálfari með liðunum í Tyrklandi.

Komast má á heimsíðu mótsins með því að SMELLA HÉR: 

Vellirnir sem spilað er á eru eftirfarandi: 

Leikið um Espirito Santo Trohpy á

Gloria Golf Club Old and New Course. Komast má á heimasíðu vallarins með því að SMELLA HÉR: 

Leikið um Einsenhower Trophy á tveimur völlum:

Cornelia Golf Club. Komast má á heimasíðu klúbbsins með því að SMELLA HÉR: 

Antlya Golf Club. Komast má á heimasíðu klúbbsins með því að SMELLA HÉR: