Lorena léttari – Pedro Conesa leit dagsins ljós

Lorena Ochoa bætti við enn öðrum verðlaunum við safnið sitt heima og þessi eru dýrmætari en öll hin til samans. Lorena tilkynnti í gær að hún hefði fætt frumburðinn, strák sem hlotið hefir nafnið Pedro.

„Við erum ánægð að geta tilkynnt að sonur okkar Pedro fæddist í dag (í gær) kl. 8:58 og okkur líðum báðum vel. Pedro er 2,8 kg og 48 cm langur, þakka ykkur öllum fyrir stuðninginn,“ skrifaði Lorena á Twitter.

Lorena Ochoa er 30 ára og var nr. 1 í kvennagolfinu frá árinu 2007, þar til hún tilkynnti í maí í fyrra að hún hyggðist draga sig í hlé eftir 27 sigra á LPGA, þar af 2 risamótstitla. Hún giftist  Andres Conesa, fyrir 2 árum og hjónin tilkynntu í apríl á þessu ári að Lorena væri ófrísk. Conesa er forstjóri mexíkanska flugfélagsins Aeromexico.

Það er ekki lengra síðan en í síðasta mánuði að Lorena var miðpunktur, sem gestgjafi Lorena Ochoa Invitational í heimabæ sínum Guadalajara í Mexíkó, en mótið er hluti af LPGA mótaröðinni. Hins skoska Catriona Matthew sigraði með 4 höggum.

Í tilefni af fæðingu Pedro mun Golf 1 birta greinaröð hér á næstu dögum þar sem ýmsir golffréttamenn rifja upp skemmtilegar endurminningar sínar frá því þegar Lorena Ochoa var á kafi í keppnisgolfinu, en hún er elskuð af þeim sem og fjölda mörgum aðdáendum sínum og  fyrrum félögum á LPGA.

Heimild: Golf Channel