![](https://www.golf1.is/wp-content/uploads/2011/10/Ross-Mc-Gowan.jpg)
Evróputúrinn: Meistarataktar McGowan í Madríd
Það er Ross McGowan sem leiðir eftir 1. hring á Bankia Madrid Masters, en mótið er hluti Evrópumótaraðarinnar.
Ross, 29 ára, vann fyrsta Evrópumótstitil sinn þegar þetta mót fór fram í Centro Nacional de Golf fyrir tveimur árum.
Viðvarandi úlnliðsmeiðsl urðu til þess að hann kom ekki til greina í Ryder Cup lið Colin Montgomeries og besti árangur hans í ár er 18. sætið á Africa Open í upphafi tímabils.
Nú er Ross í 161. sæti á The Race to Dubai og í mikilli hættu að missa kortið sitt á túrnum og e.t.v. hefir það haft sitt að segja að hann spilaði lægsta hring sinn á Evróputúrnum í 3 ár, kom inn í dag á -8 undir pari, 64 höggum.
Hann hefir 1 höggs forystu á Ástralann Brett Rumford, Ítalann Lorenzo Gagli og heimamanninn Gonzalo Fernandez-Castaño, sem heillaði heimamenn, þar til 3-pútta skolli kostaði hann hlutdeild í forystusætinu á 18. holu.
„Mér líkar við Madríd,“ sagði Ross McGowan. „Þetta var miklu betri hringur en mér hefir tekist að setja saman að undanförnu. Ég byrjaði vel, náði fugli á fyrstu tveimur og hélt bara áfram að reyna að slá góð högg – það var lykillinn. Ég hélt áfram að staðsetja mig rétt á flötunum og setja púttin niður. Þetta hefir verið erfitt ár með þó nokkrum meiðslum, en það hefir verið að lagast eftir því sem vikurnar liðu og í þessari viku virðist virkilega allt hafa komið saman.“
McGowan setti niður 3 fugla á fyrstu 4 holunum á El Encin Golf Hotel áður en hann fékk skolla á 6. holu. Síðan átti hann röð af 5 frábærum fuglum frá 9. holu, sem kom honum í forystu – hápunkturinn var líklegast 10 metra pútt á 12. braut og aðhögg á næstu braut sem lenti 2,5 metra frá holu.
Uppáhald heimamanna Alvaro Quiros var á -5 undir pari og nr. 1 í heiminum Luke Donald höggi á eftir honum.
„Mér finnst eins og ég hafi skilið nokkra (fugla) eftir þarna úti,“ sagði Luke Donald. „Þarna voru nokkur hugsunarlaus mistök en mikið af sólíd golf þess á milli.“
Sjá má stöðuna á Bankia Madrid Masters með því að smella HÉR:
Heimild: europeantour.com
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024