![](https://www.golf1.is/wp-content/uploads/2011/10/dottie-pepper-golf-channel-commentary_t640-630x360.jpg)
13 kvenstjörnur golfsins nr. 11: Dottie Pepper
Bandaríski atvinnukylfingurinn Dottie Pepper fæddist 17. ágúst 1965 í Saratoga Springs, New York. Á árunum 1988-1995 keppti hún sem Dottie Mochrie, sem var nafn hennar fyrir skilnað, en eftir skilnaðinn tók hún aftur upp fjölskyldunafn sitt: Pepper. Á ferli sínum sigraði hún í 2 risamótum kvennagolfsins (Nabisco Dinah Shore risamótið, árin 1992 og 1999) og alls 17 mótum á LPGA túrnum. Sem atvinnumaður vann Dottie samtals 28 mót, þar af 1 á Futures Duramed mótaröðinni og 1 á japanska LPGA, sem og í 9 öðrum mótum. Í dag starfar Dottie, sem golffréttakona í sjónvarpi, í Bandaríkjunum.
Pabbi Dottie, Don, var atvinnuhafnaboltamaður, sem m.a. birtist árið 1968 á forsíðu Sports Illustrated undir fyrirsögninni “a rookie to watch” (ísl: nýliða sem vert væri að fylgjast með). Ferill Dottie hófst með stórum sigrum hennar sem áhugamanns í heimaríkinu New York, þegar hún vann 1981 state amateur titilinn og “New York Junior Amateur titilinn árin 1981 og 1983. Dottie var hluti af liði Bandaríkjanna í Junior World Cup, 1981 og var áhugamaðurinn með lægsta skorið á US Women´s Open risamótinu 1984.
Dottie var í Furman University (sami skóli og Ingunn Gunnarsdóttir, GKG, spilar fyrir) þar sem hún sigraði á mótum 5 sinnum og var þrívegis útnefnd All-American (innskot: All-American; hér er um að ræða heiðurstitil, sem einkum er veittur í mennta-og háskólagolfi í Bandaríkjunum, þeim sem þykja skara fram úr hverju sinni – All American er titill, sem einnig er notaður í öðrum íþróttagreinum, einkum hópíþróttum).
Dottie (oft uppnefnd Hot Pepper, bæði vegna útlits hennar og bits í golfinu) komst á LPGA túrinn 1988 og sigraði á 17 mótum á túrnum, þ.á.m. áðurnefndum 2 risamótum: Nabisco Dinah Shore risamótunum 1992 og 1999. Samtalsskor hennar upp á -19 undir pari, í mótinu 1999 er enn lægsta heildarskor á risamóti kvenna.
Dottie var á toppi peningalistans 1992 og var meðal 10 efstu í 10 af 11 keppnistímabilum á árunum 1991-2001. Dottie var einnig í Solheim Cup liði Bandaríkjanna 6 sinnum.
Vegna meiðsla tók Dottie aðeins þátt í 1 móti árið 2002. Í júlí 2004 tilkynnti hún að hún myndi hætta keppnisgolfi í lok keppnistímabilsins. Árið 2005 hóf hún vinnu sem íþróttafréttamaður á NBC og The Golf Channel, þar sem hún færði fréttir bæði frá kvenna- og karlaíþróttaviðburðum.
Á Solheim Cup 2007 olli Dottie Pepper fjaðrafoki, sem golfskýrandi Golf Channel. þegar hún kallaði bandaríska liðið “choking freaking dogs” (ísl.: kafnandi helvítis hunda). Dottie taldi að stöðin hefði svissað yfir í auglýsingar þegar hún kom með kommentið, en var enn í beinni. Margir komust í uppnám þegar þeir heyrðu það sem hún sagði og Dottie var fljót að biðjast afsökunar á “lélegu orðavali sínu.” Tiger sagði á sínum tíma að hún myndi líklega ekki fá alltof mörg viðtöl út á þetta en taldi að með tímanum myndi fólk gleyma þessu.
Dottie Pepper býr í dag í Saratoga Springs í New York ásamt þriðja eiginmanni sínum, golfbókarhöfundinum og sagnfræðingnum David Normoyle. Þau giftu sig í maí 2010.
Heimild: Wikipedia
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024