Heimslistinn: Champ kominn í 121. sætið!

Nýliðinn á PGA Tour, Cameron Champ, sem sigraði á Sanderson Farms Championship er kominn í 121. sætið í þessari viku!

Vegna sigurs síns á Sanderson Farms meistaramótinu fór Champ upp um heil 113 sæti en hann var í 234. sæti heimslistans, bara í síðustu viku!

Frá árslokum 2017 hefir stjarna hans risið hratt því í árslok 2017 var hann í 1057. sætinu.

Já, það verður spennandi að fylgjast með Champ.

Annars er staða efstu 10 á heimslistanum eftirfarandi:

1 Brooks Koepka  3. maí 1990 (28 ára)

2 Justin Rose 30. júlí 1980 (38 ára)

3 Dustin Johnson 22. júní 1984 (34 ára)

4 Justin Thomas 29. apríl 1993 (25 ára)

5 Rory McIlroy 4. maí 1989 (29 ára)

6 Bryson DeChambeau 16. september 1993 (25 ára)

7 Francesco Molinari 8. nóvember 1982 (36 ára)

8 Jon Rahm 10. nóvember 1994 (23 ára)

9 Rickie Fowler 13. desember 1988 (29 ára)

10 Jason Day 12. nóvember 1987 (30 ára)

Ef topp-10 listinn er skoðaður sést að bandarískir kylfingar eru helmingur eða 5 af 10 í efstu sætunum, evrópskir kylfingar eru 4 og Ástralir eiga 1 kylfing á topp-10.

Elstu og yngstu kylfingar af ofangreindum topp-10 eru báðir evrópskir kylfingar; en elstur er Justin Rose, fædddur 30. júlí 1980 en hann er 38 ára og yngstur er Jon Rahm fæddur 10, nóvember 1994 og er því 23 ára.