Evróputúrinn: Li og DJ efstir f. lokahringinn í Sádí

Það eru kínverski kylfingurinn Haotong Li og Dustin Johnson (DJ) frá Bandaríkjunum, sem eru efstir og jafnir fyrir lokahring Saudi International powered by SBIA móti vikunnar á Evróputúrnum.

Báðir hafa spilað á samtals 16 undir pari, hvor, 194 höggum; DJ ( 68 61 65) og Li (67 65 62).

Li átti stórglæsilegan hring, sem hann fékk 2 fugla og 4 erni á, en því miður líka einn tvöfaldan skolla – Engu að síður stórgóður 3. hringur hjá Li upp á 8 undir pari, 62 höggum!!!

Báðir hafa nokkra yfirburði því sá næsti sem er einn í 3. sæti, Tom Lewis frá Englandi er 5 höggum á eftir; búinn að spila á 11 undir pari, 199 höggum (71 66 62). Lewis átti líka stórglæsilegan hring á 8 undir pari, en hann ásamt Li voru á lægsta skorinu á 3. hring. Lewis fór þó öðruvísi að því hann skilaði skollalausu skorkorti með flottum 8 fuglum á!!!

Það sem bar hæst til tíðinda í dag er að Sergio Garcia var rekinn úr mótinu fyrir fyrir brot á reglu 1.2a þ.e. fyrir óíþróttamannslega hegðun fyrir að berja flatir með pútternum sínum, þegar ekki gekk sem átti, að hans mati í mótinu. Garcia hefir þegar beðist afsökunar á framferði sínu, sem er svo sem ekkert nýtt, enda skapmaður á ferð hér.

Til þess að sjá stöðuna eftir 3. dag á Saudi International powered by SBIA, móti vikunnar á Evróputúrnum SMELLIÐ HÉR: 

Til þess að sjá hápunkta 3. dags á  Saudi International powered by SBIA SMELLIÐ HÉR: