Rocco Mediate átti við áfengisvanda að glíma

Rocco Mediate hefir upplýst að hann hafi átt við áfengisvanda að stríða.

Mediate er sexfaldur sigurvegari á PGA Tour og þrefaldur sigurvegari á PGA Tour Champions og varð, svo sem frægt er orðið í 2. sæti á Opna bandaríska.

Mediate sem nú er 56 ára segir að hann hafi algjörlega hætt drykkju 23. október 2017 eftir að hafa drukkið á hverjum degi fram að því.

„Ég get sagt ykkur að frá því síðasta október þá leið ekki dagur, árum saman, fyrir þann mánuð að ég fékk mér ekki drykk,“ sagði Mediate í viðtali við Vince Cellini á Golf Channel.

„Ég vissi það á þeim tíma að áfengið myndi hafa betur gegn mér.“

Hann segist jafnvel hafa spilað ölvaður á atvinnumótunum.

„Ég algjörlega spilaði (meðan ég drakk). Það var mér bara eðlilegt. Þetta var bara vani á hverjum degi.„

Mediate er auðvitað frægur fyrir bráðabanann við Tiger Woods á Torrey Pines 2008, þegar þeir spiluðu 91 holu frá fimmtudegi til mánudags. Mediate beið lægri hlut fyrir Tiger.