Afmæliskylfingur dagsins: Jane Seymour —-– 15. febrúar 2019

Það er leikkonan Jane Seymour (sem heitir réttu nafni Joyce Penelope Wilhelmina Frankenberg) sem er afmæliskylfingur dagsins. Hún fæddist 15. febrúar 1951 og er því 68 ára í dag.

Jane Seymour

Jane er fjórgift og á 4 börn: Katherine (1982) og Sean Flynn (1986) með eiginmanni nr. 3, David Flynn. Hún var 43 ára þegar hún reyndi aftur að eignast að eignast barn með eiginmanni nr. 4, James Keach og eftir 2 fósturlát eignaðist hún loks tvíburana Kris og John 1995, næstum 45 ára.

Strákana sína nefndi hún eftir fjölskylduvinunum Christopher Reeves og Johnny Cash. Hún var Bond stúlkan árið 1973 í Bond-myndinni Live and Let Die.

Jane Seymour – Bond stúlkan 1973 þá 22 ára

Af fjölmörgum hlutverkum, sem hún hefir leikið, var hún mjög eftirminnileg í hlutverki Marguerite St. Just í myndinni Rauða Akurliljan (ens.: Scarlett Pimpernel).

Jane Seymour í hlutverki Marguerite St. Just í The Scarlet Pimpernel (1982)

Eins lék hún í sjónvarpsþáttaröðinni Dr. Quinn Medicine Woman.

Jane býr í dag með manni sínum James Keach og tvíburunum í Kaliforníu þar sem þau eru félagar í Sherwood Country Club í Thousand Oaks, þar sem er Jack Nicklaus hannaður, frábær golfvöllur.

Helsta markmið Jane er að „breaka 90.” Hún segist ekki hafa skrifa niður skorið eftir hefðbundnum hætti þegar hún byrjaði í golfi þ.e. höggafjölda eða punkta – hún gaf sér einfaldlega stjörnu þegar hún sló gott högg og taldi stjörnurnar í lok hrings. Smám saman fór stjörnunum fjölgandi. Í spili sínu leggur hún mikla áherslu á að chippa og pútta vel. Hún sagði eitt sinn í viðtali: „Ef það væri ekki svona mikið um að vera í lífi mínu væri ég eflaust betri kylfingur.”

Loks má sjá afmæliskylfinginn, Jane Seymour, dansa með stjörnunum með því að smella HÉR:

Aðrir frægir kylfingar sem eiga afmæli í dag eru: Johann J Ingolfsson (62 ára); Guðmundur Smári Valsson (47 ára); Lee Anne Pace 15. febrúar 1981 (38 árs) og Tim Stewart, 15. febrúar 1985 (34 árs ); Þórdís Rögnvaldsdóttir, GHD, 15. febrúar 1996 (23 ára); Eyþór Hrafnar Ketilsson, 15. febrúar 1996 (23 ára); Maddy McCrary, 15. febrúar 1996 (23 ára) ….. og ….

Golf 1 óskar afmæliskylfingnum sem og öllum öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is