Var það almenningsálitið eða slæm samviska sem fékk Kuchar til að greiða kylfusveininum?

Golf 1 greindi frá því að Matt Kuchar hefði fyrir PGA Tour mótið, Mayakoba Classic í nóvember 2018, samið við mexikanskan kylfubera David Giral Ortiz að nafni um að bera fyrir sig kylfur í mótinu fyrir $ 4000 og $ 1000 bónus ef hann ynni mótið – Sjá með því að SMELLA HÉR: 

Ortiz vinnur sem kylfuberi á golfvellinum þar sem mótið fór fram Camaleon á Playa del Carmen í Mexíkó og gengur undir nafninu „El Tucan“. Dagslaun hans á vellinum á góðum degi eru $ 200.

Fastráðnir kylfuberar PGA Tour kylfinga hljóta 10% af sigurtékkum kylfinga sinna og ef Ortiz hefði verið fastráðinn hefði hann fengið 130.000,- dollara í sinn hlut eftir sigur Kuchar.

Kuchar sigraði, í fyrsta sinn í 4 ár, með Ortiz á pokanum og hlaut í sigurlaun um 1,3 milljónir bandaríkjadala.

Kuchar greiddi Ortiz umsamdar $ 5000, en Ortiz hafði samband við umboðsskrifstofu Kuchar og bað um að hlutur sinn yrði hækkaður vegna síns þáttar í sigri Kuchar. Hann sagðist gera sér grein fyrir að hann myndi ekki fá um $130.000 en krafðist $ 50.000.

Umboðsmenn Kuchar buðu aukagreiðslu upp á $ 15.000,- sem Ortiz gekk ekki að.

Kuchar kom m.a. fram í viðtali þar sem hann vísaði til þess að $ 5000,- fyrir 4 daga vinnu væri frábært fyrir mann sem hefði aðeins $ 200 á dag á góðum degi. Sagði hann m.a. að Ortiz ætti að minnast sín með gleði í hjarta og hafa mynd af honum á vegg sínum í klúbbhúsinu.

Golfáhangendur í Kaliforníu létu Kuchar finna fyrir því á Genesis Open, fannst Kuchar sem hefir áunnið sér um $ 45 milljónir á ferli sínum heldur nískur í garð Ortiz.

Meðal þess sem golfáhangendur hrópuðu var: “Go low, Kuch, go low! –  Just not on the gratuity!” ; eða „cheapppppp.“ Enn aðrir hrópuðu: „ Pay your man“ og einn „ Go Kuch! I always root for the villain.’”

Eftir hringinn lét Kuchar frá sér fara afsökunarbeiðnina, sem Golf 1 greindi frá og má sjá hér að ofan.

Nú er bara spurning hvort það voru golfáhangendurnir eða slæm samviska Kuchar sem fengu hann til að sjá að sér?