The Masters í tölum

Hér verður getið um nokkrar tölur sem tengjast Masters risamótinu, en það var Wallet Hub, sem tók þær saman og við birtum hér einhverjar athyglisverðustu staðreyndirnar:

61 magnoliu tré við Magnolia Lane á Augusta National, þar sem Masters risamótið fer fram

1  –  61-

Hin fræga Magnolia Lane, gatan sem endar í klúbbhúsi Augusta National er 300 metra löng og við hana eru 61 Magnólíu tré.

Bill Gates og Warren Buffet

2 – 182,9 –

Heildareignir tveggja ríkustu meðlima Augusta National golfklúbbsins eru metnar á 189,2 milljarða bandaríkjadala.

Tiger Woods

3 – 8000 –

Það eru meir en 8000 dagar frá því að Tiger Woods vann fyrsta Masters titil sinn 1997. Og það eru tæp 5100 dagar síðan að hann fagnaði síðast sigri.  Spurning hvort seinni talan breytist í kvöld og Tiger bæti 15. risatitli sínum í safnið og minnki bilið milli sín og Jack Nicklaus?

Golfgoðsagnirnar tvær: Gary Player og Jack Nicklaus

4 – 6 –

Sex kylfingar hafa verið sigurvegarar á Masters 40 ára og eldri (Ben Hogan, Sam Snead, Gary Player, Jack Nicklaus, Ben Crenshaw, Mark O’Meara). Elsti sigurvegarinn til þessa er Jack Nicklaus, en hann sigraði á Masters risamótinu árið, 1986, þá 46 ára.

Masters

5 – 682.000 –

Árið 1949 hlaut sigurvegarinn í fyrsta sinn „græna jakkann.“ Slíkur grænn jakki kostar 250 dollara. En jakki Horton Smith sem sigraði á Masters tvívegis fór fyrir 682.000 dollara á uppboði, árið 2013.