Sveitir GR Íslandsmeistarar á Íslandsmóti golfklúbba í fl. 15-16 ára

A-sveit GR-inga urðu Íslandsmeistarar á Íslandsmóti golfklúbba, bæði í telpna og drengjaflokkum 15-16 ára.

Stórglæsilegur árangur það og ber góðu barna- og unglingastarfi innan elsta golfklúbbs landsins glöggt vitni.

Íslandsmeistarasveit GR-telpna 15-16 ára var svo skipuð:

Auður Sigmundsdóttir

Helga Signý Pálsdóttir

Nína Valtýsdóttir

Perla Sól Sigurbrandsdóttir

Sveit GR lék til úrslita við GKG um Íslandsmeistaratitilinn. Nína Margrét Valtýsdóttir, GR sigraði Gunnhildi Heklu Gunnarsdóttur 7&6 í tvímenningi og Perla Sól Sigurbrandsdóttir hafði betur gegn Laufeyju Kristínu Marinósdóttur 6&4. Var það sigur GR í tvímenningsleikjunum, sem leiddi til Íslandsmeistaratitilsins en fjórmenningsviðureignina unnu GKG-ingarnir Katrín Hörn Daníelsdóttir og Karen Lind Stefánsdóttir, sem öttu kappi við GR-inganna Auði Sigmundsdóttur og Helgu Signýju Pálsdóttur. Fór viðureignin 4&2 GKG í vil.

Úrslit í telpuflokki 15-16 ára á Íslandsmóti golfklúbba urðu eftirfarandi:

1 Golfklúbbur Reykjavíkur (A)
2 Golfklúbbur Kópavogs og Garðabæjar
3 Golfklúbbur Akureyrar
4 Golfklúbbur Mosfellsbæjar (A)
5 Golfklúbbur Reykjavíkur (B)
6 Golfklúbburinn Keilir
7 Golfklúbbur Mosfellsbæjar (B)

Í drengjaflokki vann A-sveit GR í úrslitaleik gegn A-sveit GKG, Íslandsmeistaratitilinn. Íslandsmeistarasveit GR í drengjaflokki 15-16 ára var skipuð þeim:

Arnóri Má Atlasyni

Bjarna Þór Lúðvíkssyni

Halldóri Viðari Gunnarssyni

Ísleif Arnórssyni.

Bjarni Þór Lúðvíksson, GR vann Róbert Leó Arnórsson 2&1 í öðrum tvímenningsleiknum og Ísleifur Arnórsson, GR vann Dag Fannar Ólafsson, GKG í hinum tvímenningsleikum og fór viðureign þeirra á 19. holu. Líkt og hjá telpunum tapaðist fjórmenningsleikur GR en þeir Halldór Viðar Gunnarsson og Arnór Már Atlason í GR biðu lægri hlut gegn þeim Markúsi Marelssyni og Jóhannesi Sturlusyni í sveit GKG 6&4. Íslandsmeistaratitillinn í drengjaflokki vannst því á góðri frammistöðu GR-inganna í tvímenningnum.

Úrslit í drengjaflokki 15-16 ára á Íslandsmóti golfklúbba urðu eftirfarandi:

1 Golfklúbbur Reykjavíkur (A)
2 Golfklúbbur Kópavogs og Garðabæjar (A)
3 Golfklúbbur Selfoss (A)
4 Golfklúbbur Akureyrar (A)
5 Golfklúbbur Kópavogs og Garðabæjar (B)
6 Golfklúbburinn Keilir (A)
7 Golfklúbbur Reykjavíkur (B)
8 Golfklúbbur Selfoss (B)
9 Golfklúbbur Mosfellsbæjar (A)
10 Golfklúbburinn Keilir (B)
11 Nesklúbburinn
12 Golfklúbbur Grindavíkur
13 Golfklúbbur Akureyrar (B)
14 Golfklúbbur Mosfellsbæjar (B)

Golf 1 óskar Íslandsmeisturum GR til hamingju!!!