Rory hjálpar tennisstjörnunni sinni, Caroline Wozniacki, að fást við álag Grand Slam

Hæstrankaði tennisspilari Australian Open, Caroline Wozniacki, segir að kærasti sinn, Rory McIlroy, sé að hjálpa sér að ná betri tökum á leiknum m.a. með því að hvetja sig til þess að dvelja ekki við mistök, sem liðin eru (kannast ekki allir við þetta úr golfinu?)

Wozniacki er nú undir mikilli pressu eftir 65 vikur á toppnum, en kröfur til hennar ganga m.a. út á að hún sigri nú fyrsta grand slam-ið sitt og segir Caroline gott að hafa Rory við hlið sér nú.

Alveg eins og Caroline þá varð Rory súperstjarna á unga aldri áður en hann klúðraði sigri á Masters á síðasta ári, eftir að hafa sigurvænlega 3 högga forystu fyrir lokahringinn.

En Rory kom tilbaka með stæl þegar hann sigraði á næsta risamóti, Opna bandaríska.

Wozniacki tapaði í eina grand slam úrslitaleik sínum hingað til fyrir Kim Clijsters á  US Open (í tennis) 2009 og heldur áfram að sæta gagnrýni fyrir að hafa ekki landað risamótstitli.

En hin ókrýnda tennisdrottning sagði að Rory væri að kenna sér að „það væri virkilega ekki hægt að gera neitt við því sem liðið væri.“

„Maður verður bara að líta fram á við,“ sagði  Wozniacki eftir að hafa komist í 3. umferð í Melbourne Park.

„Maður er í móti núna og maður vill gera sitt besta. Það er allt og sumt.“

„Svo ef allt fer vel, þá er það frábært. Ef ekki þá er alltaf næsta mót. Þetta er bara tennis.“

„Þannig að það er bara mikilvægt að dvelja ekki mikið við það sem liðið er.“

Wozniacki, sem byrjaði að spila golf fyrir 3 mánuðum síðan sagði að íþróttir sem hún og Rory stunduðu (tennis og golf) reyndu báðar mikið á andlegu hliðina).

„Auðvitað er hægt að læra mikið þegar maður er í forystu (á golfmóti) eða ef maður verður að setja niður pútt sem maður setur auðveldlega niður í 9 af 10 tilvikum á æfingu, en það getur síðan verið allt annar handleggur í móti,“ sagði Wozniacki.

„Þar sem þetta er mikilvægt, þá er það góð nálgun að læra um andlega þátt í leik þeirra (golfinu) og reyna að yfirfæra sumt af því yfir á tennis.“

Wozniacki verður að ná í fjórðungsúrslitin í Melbourne ef hún á að hafa möguleika að halda toppsætinu.

Hin 21 árs gamla Caroline spilar næst við nr. 31 í heiminum , Monica Niculescu, n.k. föstudag um sæti í 16 manna úrslitum eftir að hafa sigrað  Önnu Tatishvili 6-1 7-6 (7-4) fyrr í dag (keppnin fer fram í Melbourne og þeir eru á undan í tíma).

„Ég komst í gegnum þetta. Ég spilaði 1. settið vel. Ég var agressív og lét hana hafa fyrir hlutunum,“ sagði Wozniacki.

„Í 2. settinu þá fór hún aðeins meira á eftir boltanum og ég dró aðeins af mér og hún refsaði mér fyrir það.“

Heimild: Stuff.co.nz