![](https://www.golf1.is/wp-content/uploads/2018/01/kingandbear-630x499.jpg)
Hver er kylfingurinn: Jack Nicklaus? (1. grein af 12)
Jack William Nicklaus er bandarískur atvinnukylfingur, sem fæddist 21. janúar 1940 og er uppnefndur „Gullni Björninn.“ Hann sigraði á 18 risamótum á 25 ára tímabili og er almennt viðurkenndur sem einn af bestu kylfingum allra tíma. Til viðbótar 18 risamótstitlum sínum þá á hann metið á annan veg hvað risamót snertir: hann varð 19. sinnum í 2. sæti og 9 sinnum í 3. sæti. Nicklaus tók aldrei þátt í mörgum mótum, því hann vildi einbeita sér að risamótunum en er engu að síður sá kylfingur, sem unnið hefir næstflest mót á PGA mótaröðinni í sögu þess alls 73 mót.
Eftir að sigra tvö US Amateur mót 1959 og 1961 og reyna við sigur á Opna bandaríska 1960 þá gerðist Nicklaus atvinnumaður í lok árs 1961. Sigurinn á Opna bandaríska 1962 var bæði fyrsti sigur Jack á risamóti og fyrsti sigur hans sem atvinnumanns. Með þessum sigri á Arnold Palmer hófst golfeinvígið milli þeirra tveggja. Árið 1966 vann Jack Masters mótið 2. árið í röð og varð fyrsti kylfingurinn til þess að afreka það og eins vann hann Opna breska. Aðeins 26 ára að aldri, þá var Jack á þeim tíma sá yngsti sem tekist hafði að sigra á risamótum. Árin 1968 og 1969 tókst Jack ekki að sigra á risamóti en hann vann næsta risamótið sitt 1970.
Á árunum 1971 til 1980 sigraði Jack 9 önnur risamót og sló þar með met Bobby Jones um 13 risamót og varð fyrsti kylfingurinn til að sigra á öll 4 risamótin fyrst tvívegis og síðan þrívegis.
Þegar Jack var 46 ára sigraði hann á 18. og síðasta risamóti sínu; Masters árið 1984 og setti enn annað met: hann varð elsti sigurvegari til þess að vinna mótið. Nicklaus spilaði á Senior PGA Tour (sem nú heitir Champions Tour) í janúar 1990, þegar hann náði aldursmarki mótaraðarinnar og í apríl 1996 hafði hann sigrað 10 mót á þeirri mótaröð, þ.á.m. 8 risamót þeirrar mótaraðar, þrátt fyrir þátttöku í afar fáum mótum. Hann hélt áfram a.m.k. um skeið að spila á PGA þar til 2005, þegar hann spilaði í síðasta sinn á Opna breska og Masters mótinu (þá 65 ára).
Jack hefir komið að golfíþróttinni með ýmsum hætti, m.a. golfvallarhönnun, góðgerðarstarfsemi og ritun golfbóka. Jack Nicklaus heldur líka sitt eigið mót á PGA Tour, Memorial Tournament. Golfvallarhönnunarfyrirtæki hans er eitt það stærsta í heiminum. Golfbækur Nicklaus eru allt frá því að vera leiðbeiningarbækur í golfi til sjálfsævisagna. Bók hans „Golf My Way er talin ein af bestu golfbókum allra tíma og vídeóið sem ber sama heiti er eitt af bestu golfmyndböndum til dagsins í dag.
Heimild: Wikipedia
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024