Nýju strákarnir á Evróputúrnum 2020: Carlos Pigem (20/28)

28 kylfingar tryggðu sér fullan spilarétt á Evrópumótaröðinni og mun Golf 1, líkt og á undanförnum vera með kynningu á þeim.

Meirihluti þeirra sem komst á Evróputúrinn, með þátttöku sinni í lokaúrtökumótinu eru reynsluboltar, sem margir hafa spilað á Evróputúrnum og í nokkrum tilvikum einnig bestu mótaröð í heimi PGA TOUR og voru þáttakendur í lokaúrtökumótinu því sérlega sterkir í ár.

Lokaúrtökumótið fór fram á Lumine golfstaðnum á Spáni, dagana 15.-20. nóvember 2019 að þessu sinni.

Í fyrsta sinn í golfsögunni voru 3 íslenskir keppendur á lokaúrtökumótinu: Andri Þór Björnsson, GR; Bjarki Pétursson,GB og Guðmundur Ágúst Kristjánsson, GR. Því miður komst enginn þeirra á Evróputúrinn að þessu sinni.

Golf 1 hefir þegar kynnt þá 4, sem rétt sluppu inn á Evróputúrinn og urðu T-28, þá 8 kylfinga sem deildu 17. sætinu og þá 4, sem deildu 13. sætinu. Næst verða kynntir þeir 5 sem urðu T-8 en það eru Robin Siegrist frá Frakklandi; Carlos Pigem frá Spáni, Jinho Choi frá S-Kóreu, Adrien Saddier frá Frakklandi og Sami Välimäki frá Finnlandi. Þeir léku allir á 15 undir pari, 413 höggum.

Välimäki, Saddier og Choi hafa þegar verið kynntir og í dag er það Carlos Pigem, sem verður kynntur en hann varð uppreiknað í 9. sæti á lokaúrtökumótinu.

Carlos Pigem fæddist 6. júlí 1990 í Lleida á Spáni og er því 29 ára.

Hann er 1,77 m á hæð og 71 kg.

Helstu sigrar  Pigem sem áhugamanns eru eftirfarandi:

• 2011 Campeonato de Catalunya Junior
• 2012 Campeonato de Barcelona, Campeonato de Catalunya Absoluto, Campeonato de Canarias, World University Championship, Campeonato De Espana Amateur

Sem áhugamaður tók Pigem einnig þátt í eftirfarandi liðakeppnum:

• Jacques Léglise Trophy (fulltrúi Evrópu): 2008
• Bonallack Trophy (fulltrui Evrópu): 2010 (frestað)
• Eisenhower Trophy (fulltrúi Spánar): 2012
• St Andrews Trophy (fulltrúi meginlands Evrópu): 2012 (í liði sigurvegaranna)

Árið 2013 gerðist Pigem atvinnumaður í golfi.

Og frá þeim tíma, árið 2013 hefir Pigem mestmegnis spilað á Asíutúrnum þar sem hann á í beltinu einn sigur.

Sigurinn kom árið 2016 á Yeangder Tournament Players Championship.

Nú spilaði hann hins vegar í lokaúrtökumóti Evróputúrsins og spilar á Evróputúrnum keppnistímabilið 2020.