Gætið að andlegu heilsu ykkar í kórónafaraldrinum!

Matt Shaw er frammistöðu sálfræðingur (ens. performance psychologist), sem starfar fyrir InnerDrive, sem er teymi íþrótta- og frammistöðu sálfræðinga, sem hafa starfað í nánu samstarfi við topp áhuga- og atvinnukylfinga, m.a. lið Breta á 2012 London og 2016 Ríó Ólympíuleikunum. Shaw úrskýrir og gefur góð ráð hér um hvernig hægt er að verja andlegu heilsuna á þessum síðustu og verstu tímum kórónafaraldursins.

Skiljanlega strögglar mikið af fólki við að halda andlegri heilsu sinni nú og mun gera það á næstu vikum, þegar við horfumst í augu við óþekktar áskoranir, sem eru framundan vegna kórónavírusins.

Shaw telur að það sé algerlega eðlilegt að vera kvíðin í augnablikinu og reynir að útskýra af hverju okkur líður svona og hvað við getum gert til þess að gæta að andlegu heilsunni á þessum kórónatímum.

Skildu af hverju þér líður eins og þér líður
„Það eru tvær meginástæður fyrir því af hverju fólk verður stressað við þessar aðstæður – óvissa og skortur á stjórn,“ útskýrir Matt.

„Við erum á óvissutímum og enginn hefur í raun of mikla stjórn á því hvað er að gerast. Svo andlega getur það leitt til þess að þið finnið fyrir miklu stressi eða verðið kvíðin. Það fyrsta sem þarf að hafa í huga er að þetta er í lagi, það er frekar eðlilegt. Öllum mun líða svona vegna tveggja meginástæðna.“

1) „Í fyrsta lagi er óvissa. Fólk veit ekki alveg hvað er að fara að gerast næstu vikurnar eða jafnvel mánuðina. Raunveruleikinn er að það er ekki margt sem fólk getur gert til að stjórna því sem er að fara að gerast umfram ráðin sem þeim eru gefin.„

2) „Síðan er það „tilfinningalega smitunin” (ens: emotional contagion). Í meginatriðum er þetta mekanismi, þar sem fólk smitast af tilfinningalegri líðan annarra, næstum því eins og eins og við osmósu. Þannig að ef einhver er frekar kvíðinn getur hann smitað persónu nr. 2. Persóna tvö gæti fundið fyrir miklum kvíða fyrir vikið og komið henni yfir á manneskju þrjú og manneskju fjögur og augljóslega smitað marga aðra tilfinningalega,. Svo við vitum að það er mekanismi, sem virkar svona, þannig að því fleiri sem eru í kringum mann, því fleiri geta líka fundið fyrir kvíða. “  Sérstaklega mikilvægt er að gæta að börnum og ungmennum við svona aðstæður sem við erum í.

„Scientia potentia est“ eða „mennt er máttur”
Stór uppspretta „rugl upplýsinga” og „tilfinningalegra smitana” kemur frá samfélagsmiðlum, þannig að ef þið finnið fyrir kvíða er mikilvægt að stjórna markvisst hverju verið er að fylgjast með. Þetta felur m.a. að setja sér tíma- og takmörk yfir hversu miklum tíma er varið í að fylgjast með kórónaveiruumfjöllun í fjölmiðlum þ.á.m. samfélagsmiðlum og draga hreinlega úr því upplýsingamagni sem innbyrt er og er kvíðavaldandi – hægt er m.a. að þagga niður lykilorð t.a.m. corona eða kórónavírus og umfjöllun sem þið ættuð að forðast á twitter og öðrum samfélagsmiðlu.

„Mikilvægt er að kanna efnislega þátt upplýsinganna, sem fólk fær” segir Shaw ennfremur.

„Fólk þarf að vera mjög varkárt með hvað og hvaðan það er að fá upplýsingar sínar, þar sem það er mikið af „rugl upplýsingum“ þarna úti.“

Þetta á m.a. við hér á landi þar sem margir „sjálfskipaðir sérfræðingar“ eru allsstaðar í öllu sem viðkemur kórónavírusnum og hvað gera beri.

„Þetta er vegna þess að allir, óháð því sem þeim er sagt, hafa sína skoðun á því sem er að gerast. Verið því viss að gæta varkárni varðandi þær upplýsingar sem þið fáið og gætið vel að því hvaða áhrif þær hafa á líðan ykkar,“ segir Shaw.

Farið á vefi sérfræðinga; t.a.m. vef alþjóðaheilbrigðisstofnunarinnar (https://www.who.int/emergencies/diseases/novel-coronavirus-2019), almannavarnavef Íslands: covid.is vef landlæknis, vef ríkislögreglustjóra – þ.e. vandið valið, farið á trausta vefi, þegar þið viljið fræðast.)