Nýju stúlkurnar á LET 2020: Casandra Danielle Hall (58/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og hefir íslenski keppandinn, sem komst í flokk 8a, Guðrún Brá Björgvinsdóttir, þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt. Næst voru kynntar þær sem deildu 61. sætinu og þær tvær sem deildu 57. sætinu, þær 7 sem deildu 50. sætinu, þær 7 (6), sem urðu T-43, þær 6 sem urðu T-37 og þær 4, sem deildu 33. sætinu; þær 7 stúkur sem deildu 27. sætinu; þær tvær sem urðu T-25; þá sem varð ein í 24. sætinu; þær fjórar sem deildu 20. sætinu og loks þær 10 stúlkur sem voru T-10.

Næst verða kynntar þær 2 stúlkur sem deildu 8. sætinu þ.e. urðu T-8, en allar spiluðu þær á samtals 2 yfir pari, 363 höggum og tryggðu sér þar með öruggt sæti og fullan spilarétt á sterkustu kvenmótaröð Evrópu, Ladies European Tour (skammst: LET). Þetta eru þær Casandra Danielle Hall og Nobuhle Dlamini.

Nobuhle Dlamini var kynnt í gær en í dag er komið að Casöndru Danielle Hall, en hún varð uppreiknað í 8. sætinu.

Casandra Danielle Hall fæddist 13. ágúst 1999 í S-Afríku og er því aðeins 21 ára ung.

Enginn í fjölskyldu Hall spilar golf, en hún byrjaði að æfa golf 10 ára.

Golfklúbburinn, sem Hall er í, í S-Afríku er Ebotse Golf Estate, þar sem hún hefir orðið klúbbmeistari.

Þrátt fyrir ungan aldur hefir hún sigrað í ýmsum mótum og er stærsta afrek hennar til dagsins í dag eflaust að sigra í  SA Amateur Stroke Play.

Lægsti hringur Hall í golfinu eru 65 högg og hún hefir farið tvívegis holu í höggi.

Casandra Hall, sem alltaf er kölluð Cas, gerðist atvinnumaður í golfi 2018.

Það er í uppáhaldi hjá Hall að vera í ræktinni og mestu afrek hennar í íþrótt utan golfs eru í hokkíi.

Rap og Pop eru uppáhaldstónlist Hall.