LET: Guðrún Brá keppir í Hollandi

Guðrún Brá Björgvinsdóttir, atvinnukylfingur úr GK, keppir á LET Evrópumótaröðinni á móti sem fram fer á Rosendaelsche golfvellinum í Hollandi. Mótið heitir Big Green Egg Open.

Mótið í Hollandi er fjórða mótið hjá Guðrúnu Brá á þessu tímabili. Hún náði sínum besta árangri á LET Evrópumótaröðinni um s.l. helgi þar sem hún endaði í 33. sæti á 4 höggum undir pari samtals í Tékklandi .

Smelltu hér fyrir rástíma, skor og úrslit.

Á nýuppfærðum listum hefur Íslandsmeistari síðustu þriggja ára farið upp um 51 sæti á heimslistanum og 21 sæti á stigalista LET Evrópumótaraðarinnar.

Guðrún Brá er sem stendur í sæti nr. 871 á heimslistanum og fer upp um 51 sæti á milli vikna. Hún nálgast besta árangur sinn á heimslistanum en Guðrún Brá hefur hæst farið í sæti nr. 790. Á stigalista LET Evrópumótaraðarinnar fer Guðrún Brá upp um 21 sæti en hún er í sæti nr. 76 en var áður í sæti nr. 97.

Heimslistinn er í heild sinni hér:

Stigalisti LET er í heild sinni hér:

Texti: GSÍ Mynd: Tristan Jones