ALPG & LET: So Yeon Ryu leiðir þegar RACV Ladies Australian Masters er hálfnað

Það er So Yeon Ryu sem leiðir á 2. degi RACV Ladies Australian Masters. Hún átti sannkallaðan glæsihring upp á 61 högg – á hring þar sem hún fékk 12 fugla og 1 skolla, -11 undir pari glæsiskor dagsins í Ástralíu! Á fyrri 9 fékk hún m.a. 5 fugla í röð (á 3.-7. braut). Samtals er Ryu búin að spila á – 17 undir pari, 127 höggum (66 61).

Í 2. sæti 4 höggum á eftir Ryu er hollenska stúlkan Christel Boeljon, á -13 undir pari, samtals 131 höggi (66 65).

Þriðja sætinu deila forystukona gærdagsins Boo Mee Lee og ástralska stúlkan Nikki Campell, hvor á -10 undir pari samtals.

Bandaríski nýliðinn á LPGA, Lexi Thompson, sem spilar í mótinu, deilir 9. sæti með 4 öðrum stúlkum þ.á.m. sænsku stúlkunni Pernillu Lindberg, fyrrum skólafélaga Eyglóar Myrru í Oklahoma State.

Sú yngsta til að sigra á atvinnumannamóti kylfinga, áhugamaðurinn 14 ára, Lydia Ko, sem þátt tekur í mótinu er í 18. sæti ásamt 5 reynsluboltum þ.á.m. hinni sænsku Sophie Gustafson. Allar hafa þær samtals spilað á -5 undir pari hver samtals.

Til þess að sjá stöðuna á RACV Ladies Australian Masters, þegar mótið er hálfnað smellið HÉR: