Íslandsmótið 2024: Úrslit úr undankeppni

Undankeppni fyrir Íslandsmótið í golfi 2024 fór fram á Hólmsvelli í Leiru í dag mánudaginn 15. júlí 2024.

Þar var keppt um tvö sæti í karlaflokki – og tvö sæti í kvennaflokki.

Kara Líf Antonsdóttir, GA og Erla Marý Sigurpálsdóttir, GM, komust áfram í kvennaflokki. Jóhannes Sturluson, GR og Kári Kristvinsson, GL, komust áfram í karlaflokki. Kári lék bráðbana gegn Mána Frey Vigfússyni, GK, en þeir voru jafnir á 72 höggum. Þeir léku 18. holuna tvívegis og fékk Kári fugl þegar þeir léku holuna í annað sinn en Máni Freyr fékk par.

Smelltu hér fyrir úrslitin:

Þetta er í annað sinn sem slík undankeppni fer fram – en gríðarlegur áhugi var hjá kylfingum að taka þátt á Íslandsmótinu í golfi 2024.

Í undankeppninin var keppt í höggleik í flokki karla og kvenna án forgjafar, leiknar verða 18 holur.

Alls voru 35 keppendur sem tóku þátt í undankeppni fyrir Íslandsmótið í golfi 2024.

Konurnar voru alls 8 og komast tvær efstu inn á keppendalistann á Íslandsmótinu í golfi sem hefst fimmtudaginn 18. júlí á Hólmsvelli í Leiru. Alls verða 57 konur á keppendalistanum.

Í karlaflokki voru alls 27 leikmenn sem kepptu um 2 laus sæti á keppendalistanum í karlaflokki. Og verða alls 96 keppendur í karlaflokki.

Samtals verða 153 keppendur á Íslandsmótinu í golfi 2024, 96 karlar og 57 konur.

Þetta er í annað sinn sem slík undankeppni fer fram en alls voru 201 sem skráðu sig í Íslandsmótið. Þetta er annað árið í röð þar sem að skráningar í Íslandsmótið fara yfir 200.

Keppendur í kvennaflokki í undankeppninni fyrir Íslandsmótið í golfi 2024:

Keppendur í karlaflokki í undankeppninni fyrir Íslandsmótið í golfi 2024: