Íslandsmótið 2024: Aron Snær og Sigurður Arnar settu vallarmet á 1. degi! Glæsilegt!

Það virðast aldeilis ætla að vera lág skorin á Íslandsmótinu í höggleik í karlaflokki þetta árið.

Ekki eru allir komnir í hús, en af þeim sem lokið hafa keppni eru Aron Snær Júlíusson og Sigurður Arnar Garðarsson, báðir úr GKG, langlægstir – spiluðu báðir í dag á 65 glæsihöggum.

Þess ber að geta að ekki allir hafa lokið leik, en ólíklegt er að nokkur spili betur en framangreindir tveir á 1. degi

Þetta er vallarmet á 18 holum, á breyttum Hólmsvelli, sem nú spilast sem par-71 völlur. Vallarmet á eldri par-72 Hólmsvelli eiga  Gunnar Þór Jóhannsson, sem setti það vallarmet 30. júní 2001 og Axel Bóasson jafnaði 21. júlí 2011.

Það viðrar vel til golfleiks og Leirulognið víðfræga víðsfjarri á 1. degi.

Sjá má stöðuna á Íslandsmótinu með því að SMELLA HÉR: 

Í aðalmyndaglugga: Sigurður Arnar Garðarsson.