Íslandsmót eldri kylfinga: Ragnheiður og Hjalti Íslandsmeistarar 50+ – Guðrún og Hannes Íslandsmeistarar 65+

Íslandsmót eldri kylfinga þ.e. 50+ og 65+ beggja kynja, fór fram á Leirdalsvelli, heimavelli GKG, dagana 27.-29. júní sl.

Keppendur voru alls 122 og voru leiknar 54 holur á þremur keppnisdögum. Í kvennaflokki voru 46 keppendur og 76 í karlaflokki.

Í kvennaflokki 50+ sigraði heimakonan Ragnheiður Sigurðardóttir naumlega, en hún átti 1 högg á Þórdísi Geirsdóttir, GK. Þetta er í 1. skipti sem Ragnheiður verður Íslandsmeistari 50+ María Málfríður Guðnadóttir varð í 3. sæti

Helstu úrslit í kvennaflokki 50+ voru eftirfarandi:

1 Ragnheiður Sigurðardóttir, GKG 238 högg (+25) (78-82-78).
2 Þórdís Geirsdóttir, GK 239 högg (+26) (84-77-78).
3 María Málfríður Guðnadóttir GKG (+44) (85-88-84).

Í karlaflokki +50 ára  sigraði Hjalti Pálmason, GM, með minnsta mun en þetta er fyrsti sigur hans í þessum flokki. Jón Karlsson, GR sem hafði titil að verja var einu höggi á eftir og sexfaldur Íslandsmeistari í golfi, Úlfar Jónsson, GKG, varð þriðji.

Helstu úrslit í karlaflokki 50+ voru eftirfarandi:

1 Hjalti Pálmason, GM 217 högg (+4) (74-72-71).
2 Jón Karlsson, GR 218 högg (+5) (69-80-69).
3 Úlfar Jónsson, GKG 220 högg (+7) (77-73-70).

Guðrún Garðars, GR sigraði í kvennaflokki +65 ára í spennandi keppni en Elísabet Böðvarsdóttir, GKG, var höggi á eftir Guðrúnu.

Helstu úrslit í kvennaflokki 65+ voru eftirfarandi:

1 Guðrún Garðars, GR 259 högg (+46) (88-87-84).
2 Elísabet Böðvarsdóttir, GKG 260 högg (+47) (87-82-91).
3 Stefanía Margrét Jónsdóttir, GR 276 högg (+63) (92-88-96).

Hannes Eyvindsson; GR, sigraði í karlaflokki +65 ára en hann var tveimur höggum betri en Sæmundur Pálsson úr GR. Hannes varð þrívegis Íslandsmeistari í golfi á árunum 1978-1980.

Helstu úrslit í karlaflokki 65+ voru eftirfarandi:

1 Hannes Eyvindsson, GR 236 högg (+23) (76-77-83).
2 Sæmundur Pálsson, GR 238 högg (+25) (80-82-76).
3 Sigurður Aðalsteinsson, GSE 240 högg (+27) (79-80-81).

Sjá má öll úrslit úr Íslandsmóti eldri kylfinga í Golfboxinu með því að SMELLA HÉR: 

Í aðalmyndaglugga: f.v. Hannes, Guðrún Ragnheiður og Hjalti. Mynd: GSÍ