Ungi ítalski ástríðukylfingurinn: Matteo Manassero – V. hluti

Hér birtist V. og síðasti hluti þýðingar á viðtali við Matteo, sem birtist í júní blaði Golf World:

Tom Watson og Matteo Manassero á Opna breska 2009

Matteo, þjálfarinn hans og golfkennari eru mjög samrýmdir, þeir deila máltíðum og sögum. Matteo segir að hann njóti þess að ferðast um heiminn og er ekkert matvandur nema hvað hann er svolítið veikur fyrir sushi. Hins vegar var t.d. aldrei breytt út af venjunni á velli/íþróttasal/veitingastaðar/svefnvenju ritmanum í heimsmeistarakeppninni í holukeppni í vor og er það sama upp á teningnum fyrir öll stærstu mót Matteo.

„Mér líkar þannig líf“ segir Matteo, sem aldrei hefir átt kærustu. „Þetta er það sem ég vil gera. Að æfa allan daginn, fara í ræktina, fá nudd, fara í mat og að sofa og byrja á öllu saman aftur næsta dag.Markmiðið er að byrja eins seint og mögulega um helgar, fá tækifæri til að vinna mót og afreka.“

Matteo brosandi

Aðspurður hvort honum finnist lífið fljúga framhjá of fljótt og hann sé að missa af bestu árum sínum stendur ekki á svarinu hjá Matteo: „Nei“ segir hann. „Það var eitt sinn sá tími þegar ég var yngri og mig langaði til að spila fótbolta eða verja meiri tíma með vinunum, en ég komst yfir það. Fórnirnar eru litlar og ég er mjög ánægður með veginn sem ég hef valið.Mér finnst ég þroskaðri en félagar mínir vegna þess að golfið neyðir mann til þess að þroskast – þegar maður er að heiman vikum saman, reynir eins og maður getur og tapar og byrjar á öllu upp á nýtt. Augljóslega veit ég minna en einhver sem er í skóla að læra en kannski læri ég meira á lífið. Eg sé ekki gömlu vinina mína mikið, en ég á nýja vini nú.“

Það sést helst hversu ungur Matteo er í samanburði við aðra kylfinga.  Hann er góður vinur Rory McIlroy, sem er 22 ára. „Það er frábært það sem hann (Matteo) hefir verið að gera og ég er mjög ánægður fyrir hans hönd,“ sagði Rory um Matteo. Matteo gengur oft við hlið andstæðinga sinna og talar kumpánlega við þá. Eitt sinn þegar Matteo var að spila við Charl Schwartzel og sá síðarnefndi setti niður 15 metra arnarpútt náði Matteo boltann úr holunni fyrir Charl og rétti honum hann vingjarnlega áður en hann setti sjálfur niður fuglapútt.

Matteo er ekki fylgjandi skoðunum átrúnaðargoðs síns, Seve Ballesteros, að halda skuli fjarlægð frá andstæðingum. „Þetta er bara ekki þannig hjá mér og hjá flestum kylfingum,“ segir hann. „Margir eru vinir og það kemur oft fyrir að þeir spila við hvern annan. Besta dæmið er Edoardo og Francesco (Molinari); þeir hafa tvívegis a.m.k. þurft að keppa hvor við annan um vinningssætið. Ég hef aldrei fundið fyrir mikilli samkeppni.“

Matteo Manassero

„Ian Poulter lítur t.d. aldrei á hvern hann er að spila við,“ segir Matteo. „Ég horfi á það og hugsa að það gæti verið eitthvað sem hjálpar. Kannski fær maður meira sjálfstraust. Ég horfi á Miguel Angel Jiménez.  Hann er svo stoltur af sjálfum sér. Með því að sýna það, er líkt og hann verði óhræddur. Og hann telur sig geta sigrað hvern sem er. Graeme McDowell er meira en upp með sér. Þessir náungar hafa náð 110% út úr leik sínum. Það er það sem gerir kylfing að frábærum kylfing. Ef Rory gæti gert það sama yrði hann nr. 1 í heimi.“

Matteo Manassero hefir framtíðina fyrir sér og er ekkert að monta sig. Þessi ungi herramaður frá Verona sameinar þrautseigju með þokka.  Ef  hann heldur áfram að sigra verður hann í reynd, mjög sérstakur sigurvegari.