Solheim Cup: Evrópa vann Bandaríkin 15:13

Það fór svo að Solheim bikarinn er kominn aftur til Evrópu, vannst í Killeen Castle, Dunsany í Meath héraði á Írlandi núna síðdegis í tvímenningsleikjunum tólf.

Eftir leiki gærdagsins var allt jafnt og í járnum 8:8. Evrópa fékk hins vegar 7 vinninga eftir hádegi í dag en Bandaríkin aðeins 5. Staðan 15:13 því staðreynd.

Niðurstöður í tvímenningsleikjum dagsins í dag voru eftirfarandi:

1. Hins skoska Catriona Matthews vann glæstan sigur 6&5 á einum erfiðasta andstæðingi Evrópu, Paulu Creamer, en Bleiki Pardusinn var búinn að standa sig ótrúlega vel í keppninni.

2. Hin ótrúlega Sophie Gustafsson vann Stacy Lewis í liði Bandaríkjanna með 2 up.

3. Hin bandaríska Morgan Pressel vann Önnu Nordqvist frá Svíþjóð 2&1.

4 .Allt var jafnt hjá gömlu kempunum Juli Inkster og Laura Davies.

5. Hin bandaríska Vicky Hurst vann Mel Reid frá Evrópu með 2 up.

6. Hin hollenska Christel Boeljon vann Brittany Lincicome með 2 up.

7. W-7 módelið þýska Sandra Gal tapaði stórt fyrir bandarísku stúlkunni Brittany Lang 6&5.

8. Bandaríski stuðboltinn Cristina Kim sigraði hina sænsku Maríu Hjorth 4&2

9 .Nr. 2 á Rolex-heimslista kvenna Suzann Pettersen vann Michelle Wie með minnsta mun.

10. Nýliðarnir Caroline Hedwall og Ryann O´Toole skildu jafnar.

11. Hin spænska Azahara Muñoz sigraði Angelu Stanford með minnsta mun.

12. Loks vann hin breska Karen Stupples, fyrrverandi nr. 1 í heimi, Cristie Kerr fremur auðveldlega 10&8.

Þetta er í 4. sinn af 12 skiptum, frá árinu 1990, sem Evrópa sigrar. Næsta Solheim Cup keppni fer fram í Colorado Golf Club 2013.

Sjá má myndasafn frá Solheim Cup 2011 HÉR: