![](https://www.golf1.is/wp-content/uploads/2019/05/Morgan-Pressel.jpg)
LPGA: Tseng og Pressel meðal þeirra sem spila í 16 manna úrslitum á Sybase mótinu
Í dag verður Sybase mótinu í holukeppni fram haldið á Hamilton Farm Golfvellinum í New Jersey. Keppni í 32 manna undanúrslitunum fór fram í gær og halda þær 16 sem komust áfram, fram keppni í dag. Verður hér fjallað um hverjar þessar 16 eru, sem keppa í dag og helstu úrslit gærdagsins reifuð:
![Hamilton Farm, Gladstone, NJ.](http://www.golf1.is/wp-content/uploads/2019/05/mynd.php_2-300x225.jpg)
18. brautin á Hamilton Farm golfvellinum í Gladstone, New Jersey, þar sem Sybase meistaramótið í holukeppni fer fram dagana 17.-20. maí 2012 - Brady Mansion er í bakgrunni
Patty Berg riðillinn
Yani Tseng frá Taíwan g. Candi Kung frá Taíwan
Nr. 1 á Rolex-heimslista kvenna, Yani Tseng sýndi engin merki þess í gær að dregið væri af henni þegar hún vann bandarísku stúlkuna Katie Futcher 3&1. Allt var í stáli hjá þeim Kung og Haeji Kang allt fram að 17. holu, en fugl á 18. tryggði Candi Kung sigur. Það verða því löndurnar Tseng og Kung sem keppa í dag um sæti í 8 manna undanúrslitum; Kung er að leitast við að ná 1. sigri sínum á LPGA frá árinu 2008; Tseng keppist við að ná 4. sigri sínum á þessu keppnistímabili. Baráttan milli þessara stúlkna frá Taíwan er e.t.v. ein af þeim sem mesta athygli hlýtur á Hamilton Farm í dag.
Julieta Granada frá Paraguay g. Karine Icher frá Frakklandi
Granada þurfti ekki að spila 18 holur til þess að bera sigurorð af Ryann O’Toole. Granada innsiglaði sigurinn með tveimur fuglum í röð á 12. og 13. holu og lauk leiknum 6&5. Icher og Jennifer Johnson voru nokkuð jafnar á hring þeirra, en með fugli á 17. tryggði sú franska sér sigur 2&1. Báðar hafa Granada og Icher verið á uppleið í ár og báðar eru á höttunum eftir sigri, þeim fyrsta frá 2006 og 2005.
Kathy Whitworth riðillinn
So Yeon Ryu frá Suður-Kóreu g. Katherine Hull frá Ástralíu
Nýliðastjarnan Ryu sýndi og sannaði í gær að hún væri mikil keppniskona þegar hún sigraði Minu Harigae á 16. holu og lauk leik þeirra 3&2. Hull, á hinn bóginn átti í nokkrum vandræðum með Mariajo Uribe og skiptust þær um að hafa yfirhöndina. Það þurfti að spila allar 18 holurnar til að skera úr um leikinn, sem hefði getað fallið á hvorn veginn sem var. Ryu hefir verið mjög stöðug þetta keppnistímabil og hún gæti svo sannarlega stimplað sig inn á LPGA Tour með sigri. Hull mun þó eflaust halda Ryu á tánum, en hún hefir nú þegar 2 sigra á LPGA undir beltinu.
Angela Stanford frá Bandaríkjunum g. Vicky Hurst frá Bandaríkjunum
Hurst hafði betur gegn nr. 5 á heimslista kvenna Cristie Kerr, en spila þurfti 19 holur til þess að tryggja sigurinn. Stanford á hinn bóginn lauk sínum leik fremur snemma, 4&3. Hún er álitin meðal þeirra sigurstranglegustu á morgun, en Hurst hefir svo sem áður haft betur gegn toppkylfingum sbr. Kerr og verður leikur þeirra spennandi.
Mickey Wright riðillinn
Na Yeon Choi frá Suður-Kóreu g. Morgan Pressel frá Bandaríkjunum
Na Yeon Choi hafði betur gegn löndu sinni Jenni Shin í gær og komst þar með í 3. umferð. Hún er að leitast við að tryggja sér 6. sigur sinn á LPGA. NY hefir staðið sig afburðavel það sem af er keppnistímabilisns, en hún var T-2 tvisvar á árinu á HSBC Women’s Champions 2012 og RR Donnelley LPGA Founders Cup. Pressel hefir mun meiri leikreynslu en NY. Pressel hefir spilað á 3 Solheim Cup keppnum f.h. Bandaríkjanna og auk þess sigraði hún á U.S. Women’s Amateur Championship, árið 2005.
Anna Nordqvist frá Svíþjóð g. Amy Yang frá Suður-Kóreu
Í þessum leik mætast þeir kylfingar sem e.t.v. þyrstir mest í sigur á LPGA. Meðan Yang hefir að marki að vinna fyrsta sigur sinn á LPGA þá er Nordqvist að reyna að sigra í fyrsta sinn frá því hún vann síðast árið 2009 á LPGA Tour Championship. Nordqvist vann Shin 2&1 í gær meðan Yang sló út Natalie Gulbis nokkuð örugglega 5&4.
Annika Sörenstam riðillinn
Jodi Ewart frá Englandi g. Azahara Muñoz frá Spáni
Jodie Ewart og Azahara Muñoz urðu að sigra tvo frábæra kylfinga til þess að stimpla sinn inn í 16 manna undanúrslitin í dag. Muñoz sigraði Amöndu Blumenherst sem var sigurvegari U.S. Women’s Amateur 2008. Frammistaða nýliðans enska Jodi Ewart er þó e.t.v. sú sem er athyglisverðust. Hún sigldi inn í 2. umferð með því að sigra þá sem átti titil að verja, sigurvegar á Sybase mótinu frá síðasta ári Suzann Pettersen og í gær vann hún þar að auki hina sænsku Sophie Gustafson. Gaman að fylgjast með Ewart og athyglisvert hvernig Aza gengur með hana í dag!
Stacy Lewis frá Bandaríkjunum g. Sun Young Yoo frá Suður-Kóreu
Enn einn skemmtilegi leikurinn í dag, þar sem spila sigurvegarar tveggja Kraft Nabisco Champions risamóta á LPGA Stacy Lewis og Sun Young Yoo. Lewis sigurvegari Kraft Nabisco 2011 vann leik sinn 4&3 og fékk 5 fugla í 2. umferð. Lewis er sem stendur nr. 7 á Rolex-heimslistanum og vann einnig nú nýlega 2. sigur sinn á LPGA, þ.e.Mobile Bay LPGA Classic. Yoo, sem vann Kraft Nabisco Championship þurfti að spila allar 18 holurnar til þess að hafa betgur gegn Jessicu Korda, sem gaf sig alls ekki auðveldlega, 2&0. Yoo hefir áður sigrað Sybase Match Play Championship, árið 2010.
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024