Afmæliskylfingur dagsins: Webb Simpson – 8. ágúst 2012

Afmæliskylfingur dagsins er sigurvegari Opna bandaríska í ár, Webb Simpson.  Webb sem í raun heitir James Frederick Simpson fæddist 8. ágúst 1985 og er því 27 ára í dag.

Sem áhugamaður var hann í sigursælum liðum Bandaríkjanna í Walker Cup og Palmer Cup 2007.  Á háskólaárum sínum spilaði hann með golfliði Wake Forest og var þar á Arnold Palmer golfskólastyrk.

Eftir að Simpson gerðist atvinnumaður spilaði hann fyrst á Nationwide Tour (sem nú heitir Web.com Tour ekki þó eftir Webb Simpson 🙂 ) og varð 2 sinnum í 2. sæti þar. Á Q-school PGA Tour varð hann jafn öðrum í 7. sæti árið 2008 og spilaði því að PGA Tour keppnistímabilið 2009, þar sem hann hefir haldið sér síðan.  Fyrstu sigrarnir komu hins vegar ekki fyrr en í fyrra, 2011, fyrsti sigurinn var á fyrsta mótinu sem Íslendingur (Ólafur Björn Loftsson, NK) tók þátt í á PGA Tour, þ.e. Wyndham Championship og svo sigraði hann líka á The Deutsche Bank Championship.  Þessir sigrar urðu til þess að hann varð nr. 2 á peningalista PGA Tour. Webb Simpson var einnig í liði Bandaríkjanna í Forsetabikarnum 2011.

Aðrir frægir kylfingar sem eiga afmæli í dag eru:  Karin Sjödin, 8. ágúst 1983 (29 ára)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is