Úrslit eftir 2. dag í sveitakeppni GSÍ – 1. deild karla

Það voru erfiðar aðstæður í Leirunni á 2. degi sveitakeppni GSÍ, þegar 3. og 4. umferð voru leiknar í gær. Það var hvasst og rigningin lamdi sveitarmeðlimi.

Í 3. umferð fóru leikar svo:

A-Ríðill  (Í þeim riðli keppa GR,GS, GSE og GV)

Helstu úrslit dagsins voru þau að sveit GSE sigraði sveit GS 3-2 og sveit GR vann sveit GV 3-2.

Staðan eftir 3. umfeðr í A-riðli:

1. sæti GSE  (vann 3 sveitir og  10 leiki af 15)

2. sæti GR ( vann 2 sveitir og 10 leiki af 15)

3. sæti GS (vann 1 sveit og 5 leiki af 15)

4. sæti GV (tapaði fyrir 3 sveitum og vann 5 leiki af 15)

——————————————————————-

B-Riðill  (Í þeim riðli keppa GK, GKG, GKJ og GL)

Í B-riðli sigraði sveit GK, sveit GL 4-1. Eini sigur GL var í viðureign þeirra Willy Blumenstein, GL og Ísaks Jasonarsonar, GK, en þar hafði Willy betur. Síðan vann sveit GKG vann sveit GKJ 4-1. Eini sigur GKJ var að  Magnúsar Lárusonar, GKJ hafði betur gegn Ottó Sigurðssyni, GKG.

Staðan eftir 3. umferð í B-riðli:

1. sæti GKG (vann 3 sveitir og  10 leiki af 15)

2. sæti GK ( vann 2 sveitir og 10 leiki af 15)

3. sæti GKJ  (vann 1 sveit og 5 leiki af 15)

4. sæti GL (tapaði fyrir 3 sveitum og vann 5 leiki af 15)

——————————————————————————————————————————————

4. umferð

Reglum skv. hófust hér með leikar sveitanna í riðlum A og B sín á milli í 4. umferð.   Sú sveit sem varð í 4. sæti A-riðils keppti við sveit B-riðils sem varð í 3. sæti.   Það var leikur  GV og GKJ.  Sveit GKJ sigraði 4-1. Eini leikurinn sem sveit GV vann var í fjórmenningnum, en þar unnur þeir Gunnar Gústafsson og Rúnar Karlsson, GV þá Arnar Sigurbjörnsson og Aron Val Þorsteinsson á 20. holu.

Sú sveit sem varð í 3. sæti A-riðils keppti við sveit B-riðils, sem varð í 4. sæti.  Það var leikur GS og GL Sveit GS sigraði sveit GL 3-2. 

Sú sveit sem varð í 2. sæti A-riðils keppti við sveit B-riðils, sem varð í 1. sæti. Það var leikur GR og GKG. Sveit GKG sigraði sveit GR 4-1. Eini GR-ingurinn sem vann fyrir sveit sína var Arnar S. Hákonarson, sem vann Ottó Sigurðsson, GKG, í tvímenningi.

Loks spilaði sú sveit sem varð í 1. sæti A-riðils við sveit B-riðis, sem varð í 2. sæti.  Það var leikur GSE og GK. Sveit GSE sigraði sveit GK 3-2.

Það var ljóst eftir 4. umferð að það eru sveitir GV og GL sem keppa um 7.-8. sætið og eru þær sveitir fallnar í 2. deild.  Sveitir GS og GKJ keppa um 5.-6. sætið; sveitir GR og GK um 3.-4. sætið og loks eru það sveitir GSE og GKG, e.t.v. nokkuð óvænt, sem keppa um Íslandsmeistarartitilinn í sveitakeppni GSÍ.  Allir fara úrslitaleikirnir fram í dag.