Lee Westwood gerir 2 ára styrktarsamning við Bushnell

Bushnell Outdoor Products, sem er leiðandi framleiðandi á laserfjarlægðarmælum, sem m.a. eru notaðir á PGA Tour, tilkynnti um 2 ára styrktarsamning sem fyrirtækið hefði gert við Lee Westwood. Westy sem er einn besti kylfingur heims mun kynna framleiðsluvörur Bushnell Golf um heim allan. 

Lee Westwood með Bushnell fjarlægðarmæli eins og þeir allra bestu nota!

„Það gleður okkur hjá Bushnell að bjóða Lee Westwood velkominn sem einn hluta Bushnell-teymisins“, sagði Guilhem Pezet, markaðsstjóri íþróttavara hjá Bushnell. „Lee kemur með óhemju golfreynslu sem er ómetanleg fyrir Bushnell og mun aðstoða okkur að bæta vörur okkar enn frekar.“

„Ég er ánægður með að vera hluti af Bushnell, sérstaklega þar sem vörur fyrirtækisins hafa alltaf verið gríðarlega mikilvægur hluti leiks míns. Ég treysti á nákvæmni þegar ég mæli yardana og treysti Bushnell viku eftir viku á Túrnum. Að mínu mati standa engir fjarlægðarmælar  Bushnell framar“, sagði Westwood.

Bushnell Outdoor Products eru leiðandi í framleiðslu íþróttaútbúnaðar og hefir verið svo í 60 ár. Með laserfjarlægðar-mælum sínum hefir Bushnell skapað sér sérstöðu síðastliðinn áratug og hefir bætt við GPS í mælana.

Skv. skoðanakönnun sem Darrell Survey stóð fyrir nota í kringum  91 % allra atvinnukylfinga á  PGA, LPGA og Champions Tour fjarlægðarmæla frá Bushnell. Því þegar málið snýst um hvort tvö högg dugi, hvaða taktík þ.e. strategíu eigi að nota kringum flatirnar, hvernig er best að komast hjá sandglompunni o.s.frv. þá treysta bestu kylfingar í heimi á Bushnell fjarlægðarmælinn. Fjarlægðamælarnir mæla með skekkju upp á 0,5 metra.

Heimild: www.bushnellgolf.eu