Evróputúrinn: Peter Hanson sigraði í Shanghai

Hinn 35 ára Peter Hanson frá Svíþjóð stóðst frábæra síðbúna atlögu frá Rory McIlroy og vann stærsta sigur sinn á ferlinum á BMW Masters í Shanghai, Kína nú fyrr í morgun.  Hanson lék á samtals 21 undir pari, 267 höggum (66 64 70 67) en Rory var á samtals 20 undir pari 268 höggum (67 65 69 67). Fyrir sigurinn hlaut Hanson tékka upp á € 888,561 (u.þ.b. 146 milljónir íslenskra króna).

Luke Donald og Ian Poulter, enn aðrir í Ryder Cup liði Evrópu urðu í 3. og 4. sæti; Luke Donald á samtals 17 undir pari og Poults á 16 undir pari.

Hanson vann nr. 1 á heimslistanum með 1 höggi eftir að báðir luku leik með lokahringjum upp á 67 högg, en það segir nú varla alla söguna af rússíbanareiðinni í nótt í spili þeirra á Lake Malaren.

Hanson leiddi bara með 1 höggi fyrir lokahringinn og sigurinn virtist blasa við honum þegar hann átti 4 högg á Rory. En Rory náði erni á 15. holu og fugl á þeirri næstu og minnkaði þar með bilið milli þeirra í 2 högg síðan sló Hanson í sandinn á stuttu 17. brautinni.

En nr. 25 á heimslistanum (Hanson) tókst hins vegar að bjarga pari á 17. en það var en svolítið taugatrekkjandi móment fyrir Hanson þegar hann sló aftur í bakka sandglompu á 18.

„Það var svolítil spenna í þessu,“ sagði Hanson. „Rory var með gríðarlega gott spil þarna með erninum á 15. og fuglinum á 16. þannig að hann setti þó nokkra pressu á mig. Ég var að reyna að spila af öryggi en gegn nr. 1 þarf maður enn að ná höggunum.  Þetta er langt um stærsti sigurinn á ferli mínum, ég hugsa að öll vinnan sem ég hef sett í undirbúninginn fyrir Ryder bikarinn hafi virkilega skilað sér í Hollandi og síðan nokkrum vikum síðar hér.“

(Hanson var fúll yfir hversu lítið José María Olazábal lét hann spila í Medinah á Ryder bikarnum og sagði m.a. í viðtali eftir mótið að hann myndi ekki senda fyrirliða Evrópu jólakort framar – þetta hlýtur nú að vera smá sárabót eða hvað?)

„Ég er svolítið vonsvikinn“ sagði hinn 23 ára Rory McIlroy nr. 1 á heimslistanum. „Ég er mjög ánægður með hvernig ég spilaði en ég missti nokkur góð tækifæri á fyrri 9, missti 4 eða 5 pútt í röð.“

„Ég ætlaði að láta hann hafa fyrir þessu. Það myndi hafa verið flott að setja niður púttið á 18. flöt, til þess að láta hann fá svolítið til að hugsa um, en það var bara ekki í kortunum og hann spilaði vel. Hann (Hanson) átti sigurinn skilið. Að fara út (í lokahringinn) í forystu og spila eins og hann gerði og vera á 67 er mjög tilkomumikið. Hann (Hanson) var erfiður viðfangs í dag og það gekk ekkert að vinna hann.“

Til þess að sjá úrslitin í BMW Masters í Lake Malaren í Shanghai SMELLIÐ HÉR: 

Heimild: europeantour.com