Peter Hanson keppir við Rory um 1. sætið á peningalista Evrópumótaraðarinnar

Það fer að líða að lokum Evrópumótaraðarinnar og eitt af mótunum þar sem peningaverðlaun eru hvað hæst hefst á morgun þ.e.  HSBC Champions.

S.s. Golf 1 greindi frá í morgun mun Rory McIlroy ekki taka þátt við litla hrifningu styrktaraðila mótsins – Peter Hanson hins vegar tekur þátt.

Ef Hanson lendir ofarlega á stigatöflunni gæti hann náð að minnka bilið milli sín og Rory allverulega en einungis munar € 812.572 milli þeirra og verðlaun í Kína há.  Nr. 1 á heimslistanum ætlar að reyna að feta í fótspor Luke Donald og verða efstur á peningalistum beggja vegna Atlantsála, bæði á PGA Tour og Evrópumótaröðinni.  Spurning hvort honum takist það?

Peter Hanson sagði m.a. í aðdraganda mótsins: „Ég færist nær Rory í The Race to Dubai, og staðreyndin að hann er ekki með á Mission Hills gefur mér tækifæri til að minnka bilið milli okkar enn meir,“ sagði Hanson. „Vonandi held ég sama formi og ég hef verið í og spila aftur til úrslita á sunnudaginn vegna þess að ég verð að spila svo ef ég á að hafa tækifæri á að ná honum, að því gefnu hversu vel hann er búinn að spila í ár.“

Þetta er búið að vera frábært ár hjá Hanson, sem hóf árið í 42. sæti á heimslistanum en er nú nr. 17 – hann hefir verið að reyna að festa sig í sessi meðal efstu 50 á heimslistanum til að hann hljóti fastasæti á öllum risamótum og spili e.t.v. nógu vel til þess að komast á PGA Tour. Hann býr við Lake Nona í Orlando, Flórída með konu sinni og 5 ára dóttur.