Afmæliskylfingur dagsins: Gunnhildur Kristjánsdóttir – 9. nóvember 2012

Það er Gunnhildur Kristjánsdóttir, sem er afmæliskylfingur dagsins. Gunnhildur er fædd 9. nóvember 1996 og því 16 ára í dag!!! Hún er í Golfklúbbi Kópavogs og Garðabæjar (GKG) og aldeilis búin að slá í gegn á Unglingamótaröð Arion banka í sumar. Í upphafi árs var hún valin efnilegasti kylfingurinn, ásamt Óðni Þór Ríkharðssyni við verðlaunafhendingu í tilefni af  vali á íþróttakarli og konu Garðabæjar.

Gunnhildur sigraði á 1. móti Unglingamótaraðar Arionbanka uppi á Skaga í flokki telpna 15-16 ára og einnig a 2. mótinu á Þverárvelli.

Þrjár efstu í flokki 15-16 ára á Unglingamótaröð Arion banka, á Þverárvelli, 2. júní 2012. Sigurvegarinn Gunnhildur Kristjánsdóttir, GKG, (t.v.); Sara Margrét Hinriksdóttir, GK (f.m.) varð í 3. sæti og Ragnhildur Kristinsdóttir GR, (t.h.) í 2. sæti. Mynd: Golf 1

Á 3. móti Unglingamótaraðarinnar á Korpunni varð Gunnhildur í 5.sæti; á Íslandsmótinu í höggleik varð Gunnhildur í verðlaunasæti þ.e. 3. sætinu:

igurvegarar á Íslandsmótinu í höggleik 2012. F.v.: Sara Margrét Hinrkisdóttir, GK, 2. sæti; Ragnhidlur Kristinsdóttir, Íslandsmeistari í höggleik telpna 15-16 ára; Gunnhildur Kristjánsdóttir, GKG, 3. sæti. Mynd: golf.is

Á 5. móti Unglingamótaraðaraðar-innar, sem var Íslandsmótið í holukeppni sigraði Gunnhildur!!! …. og er því Íslandsmeistari í holukeppni telpna 2012….. og svo varð hún í 3. sæti á lokamóti Unglingamóta-raðarinnar í ár í Oddinum.

Sigurvegarar á 6. og síðasta móti Unglingamótaraðar Arion banka 2012. F.v.: Sara Margrét Hinriksdóttir, GK; Ragnhildur Kristinsdóttir, GR og Gunnhildur Kristjánsdóttir, GKG. Mynd: Helga Björnsdóttir

Íslandsmeistarinn í holukeppni í telpnaflokki, Gunnhildur Kristjánsdóttir, GKG, f.m.; Ragnhildur Kristinsdóttir, GR, t.v., hlaut 2. sætið og Sara Margrét Hinriksdóttir, GK, t.h., hlaut 3. sætið. Mynd: gsimyndir.net

Gunnhildur tók þátt í fyrsta sinn á Eimskipsmótaröðinni s.l. sumar þ.e. í fyrsta móti mótaraðarinnar í Leirunni og varð í 23. sæti af konunum, sem er ágætisárangur miðað við að hún var meðal yngstu þátttakenda.

Eins keppti Gunnhildur í nokkrum mótum erlendis í sumar m.a. European Young Masters mótinu, sem fram fór 23.-28. júlí, en leikið var á Royal Balaton vellinum í Ungverjalandi og Lalandia mótinu í Danmörku, en þar náði Gunnhildur þeim glæsilega árangri að verða í 1. sæti!!!

F.v.: Egill Ragnar Gunnarsson, GKG; Aron Snær Júlíusson, GKG, Gunnhildur Kristjánsdóttir, GKG og Sara Margrét Hinriksdóttir, GK. Mynd: http://eym.hungolf.hu/photos/team_photos_2012

Sjá má nýlegt viðtal við afmæliskylfinginn með því að SMELLA HÉR:  Komast má  á facebook síðu Gunnhildar til þess að óska henni til hamingju með afmælið hér að neðan

Aðrir frægir kylfingar sem eiga afmæli í dag eru:   Tom Weiskopf, 9. nóvember 1942 (70 ára stórafmæli!!!);  Karin Mundinger, 9. nóvember 1959 (53 ára);  David Duval, 9. nóvember 1971 (41 árs) ….. og ……

Jónatan Már Sigurjónsson (32 ára)

Signý Ólafsdóttir (55 ára!!!)

Aðalstræti Skammtíma Leiguíbúð Ísafirði (80 ára)

Sólon Baldvin Baldvinsson (18 ára)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is