Paul Lawrie heiðraður fyrir frábært keppnistímabil 2012 í Aberdeen

Framkvæmdastjóri Ryder Cup í Evrópu, Richard Hills var á meðal 400 gesta í boði Deeside golfklúbbsins í Aberdeen, Skotlandi til heiðurs Paul Lawrie, miðvikudagskvöldið  7. nóvember nú í s.l. viku.

Boðið fór fram í Marcliffe hótelinu í Aberdeen, til heiðurs sigurvegara Opna breska 1999, Paul Lawrie, sem sigrað hefir tvívegis á þessu ári á Evrópumótaröðinni þ.e.  í Commercialbank Qatar Masters styrktu af Dolphin Energy  og í Johnnie Walker Championship í  Gleneagles, Skotlandi.

Þessir tveir sigrar urðu m.a. til þess að hinn 43 ára Lawrie hlaut sæti í Ryder Cup liði Evrópu sem sigraði svo eftirminnilega á sunnudeginum í Medinah í tvímenningsleikjunum. Paul Lawrie vann Brandt Snedeker 5&3.

Framkvæmdastjóri Deeside golfklúbbsins, sem Lawrie og fjölskylda hans hafa verið í mestalla ævi sína, var veislustjóri og stjórnaði m.a. uppboði þar sem m.a. boðin var upp árituð nýútkomin sjálfsævisaga Lawrie: „An Open Book: The  Paul Lawrie Story“ en á uppboðinu fengust £19,000 sem runnu til Paul Lawrie Foundation, stofnunar Lawrie.

Hills kom til Aberdeen með Ryder Cup bikarinn og sagði m.a.: „Þetta hefir verið frábært kvöld og ég er viss um að Paul mun aldrei gleyma því. Að sjá svo marga hér fagna frábæru keppnistímabili Paul, segir svo margt um hann. Hann er einn af mest ekta og virtu leikmönnum í golfinu og óþreytandi vinna hans fyrir leikinn í Skotlandi í gegnum stofnun hans er aðdáunarverð.  Hann á skilið allar viðurkenningar sem hann hefir fengið og það er ánægja mín að færa Ryder Cup hingað til að bæta við hátíðleikann.“

Heimild: europeantour.com