![](https://www.golf1.is/wp-content/uploads/2012/12/1-ariya528.jpg)
LET: Spennan að ná hámarki á lokaúrtöku- mótinu í Marokkó – Ariya Jutanugarn frá Thaílandi efst þegar eftir á að spila 2 hringi
Þó Tinna „okkar“ Jóhannsdóttir, atvinnumaður úr Golfklúbbnum Keili í Hafnarfirði, hafi ekki komist í gegnum niðurskurð á forúrtökumótinu fyrir Evrópumótaröð kvenna í Marokkó, þá er lokaúrtökumótið enn í fullum gangi. Spennan er í hámarki þegar eftir er að spila 2 hringi.
Í forúrtökumótinu, sem Tinna keppti í var þátttakendum skipt upp í 2 riðla: A- og B-riðil. Spilaðir voru 4 hringir og þar eftir skorið niður. Niðurskurður í B-riðli miðaðist við 6 yfir pari og munaði aðeins 2 höggum að Tinna kæmist áfram í lokaúrtökumótið.
Í lokaúrtökumótinu eru spilaðir 5 hringir. Efstu 45 úr forúrtökumótum A- og B-riðils, auk 51 stúlku af LET , eða samtals 141 stúlka, keppa um þau 30 kort, sem í boði eru og fullan keppnisrétt á LET, sem þeim fylgir fyrir keppnistímabilið 2013.
Eftir daginn í dag þ.e. 4. dag lokaúrtökumótsins er skorið niður og aðeins 60 stúlkur fá að keppa um kortin 30 á lokahringnum, sem spilaður verður á Al Maaden golfvellinum, í Marrakesh, Marokkó, mánudaginn 17. desember 2012.
Sú sem er efst eftir 3. dag lokaúrtökumótsins er 17 ára stúlka frá Thailandi, Ariya Jutanugarn, sem átti sinn besta hring á ferlinum 8 undir pari, 64 högg í gær og jafnaði auk þess vallarmet Amelkis golfvallarins, sem hún keppti á. Samtals er Ariya á 14 undir pari, 202 höggum (68 70 64) eftir 3 hringi og á 1 högg á ensku stúlkuna Emily Taylor, sem er í 2. sæti.
Ariya er systir Moriyu Jutanugarn, sem varð í 1. sæti í lokaúrtökumóti Q-school LPGA og því verður að telja að við eigum eftir að heyra meira frá þeim systrum Ariyu og Moriyu í framtíðinni!!!
Ariya var mjög afslöppuð eftir glæsihring sinn.
„Í dag var járnaspilið mitt mjög gott og ég sló nálægt pinna. Ég setti niður mikið af púttum en missti samt stutt 1 metra pútt á par-5, 15. brautinni. Ég púttaði of veikt og missti það,“ sagði Ariya.
„En ég er mjög ánægð vegna þess að ég var að pútta svo illa í gær. Ég missti 4 feta pútt 4 sinnum í röð og leið svo illa. Í gær vann ég mikið í púttunum og í dag voru þau betri.“
„Ég er afslöppuð vegna þess að í gær (þ.e. fyrradag) var ég ekki að spila mjög vel en var á 2 undir pari. Mér fannst eins og allar hér væru að spila svo vel þannig að ég yrði að vinna það upp. Mér líður miklu betur nú.“
Bonita Bredenhann 20 ára frá Namibíu jafnaði líka vallarmetið á Amelkis golfvellinum í gær á besta hring ferils hennar til þessa 8 undir pari, 64 höggum og er nú á samtals 11 undir pari og deilir 3. sætinu ásamt spænsku stúlkunni Virginíu Espejo. Bonita hefir unnið hart að því að komast á LET. Hún fluttist frá Namibíu 15 ára til Suður-Afríku til þess að geta spilað á keppnisvöllunum þar. Svo reyndi hún fyrir sér í Q-school LET fyrr á árinu, til þess að prófa hvernig væri að vera í þeirri keppni. Komist Bonita í gegnum niðurskurð og verði hún ein af þeim 30 á mánudaginn sem hljóta kortið sitt á LET verður hún fyrst kvenkylfinga frá Namibíu til þess að spila á LET.
Það ekki bara á Alfred Dunhill, sem draumahöggin eru slegin. Bandaríska stúlkan Mallory Fraiche fór holu í högi á 15. braut Al Maaden golfvallarins, þegar hún kom í hús í dag á 66 höggum og deilir nú 5. sætinu í mótinu með áströlsku stúlkunum Söruh King og Nikki Campbell á 10 undir pari.
Sænski kylfingurinn Viva Schlasberg fór holu í höggi á 17. braut Amelkis og notaði til þess pitching wedge og færði sjálfri sér þannig fullkomna afmælisgjöf en hún átti 26 ára afmæli, þó hún sé sem stendur utan niðurskurðarlínu á sléttu pari, en niðurskurður er sem stendur miðaður við 1 undir pari.
Það verður spennandi að sjá hverjar komast í gegnum niðurskurðinn í dag og spila í 60 stúlkna lokaúrslitum um þau 30 kort, sem eru í boði. Skyldi Cheyenne Woods, frænka Tigers og fyrrverandi liðsfélagi Ólafíu „okkar“ Þórunnar Kristinsdóttur, GR, í Wake Forest t.a.m. komast áfram? Það er bara að fylgjast með hér á Golf 1.is – eina golffréttavefnum hér á landi, þar sem verið er að skrifa um lokaúrtökumót LET í Marokkó í augnablikinu!
Heimild: LET
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024