LET: Cassandra Kirkland í forystu á Lacoste Open eftir 1. dag

Það er franska stúlkan Cassandra Kirkland, 26 ára, frá Saint Nom la Bretèche, sem hefir tekið forystu á Lacoste Ladies Open de France, eftir frábæran hring upp á 64 högg.

Fast á hæla hennar kemur hin 32 ára Virginie Lagoutte-Clement, frá Montelimar aðeins 1 höggi á eftir löndu sinn. Virginie deilir hins vegar 2. sætinu með hinni finnsku Kaisu Ruuttila, sem hefir verið að gera góða hluti á Evrópumótaröð kvenna að undanförnu, en ekki enn náð toppsætinu.

Í 4. sæti er síðan norska frænka okkar Marianne Skarpenord, sem kom inn á 66 höggum á þessum hlýja eftirmiðdegi á Paris International golfvellinum.

Caroline Hedwall, sem stóð sig svo vel á Solheim Cup deilir 13. sætinu ásamt 10 öðrum, (m.a. golfdrottningunni Lauru Davies og Liebelei Lawrence frá Luxembourg) sem spiluðu á 69 höggum í dag,  þ.e. -3 undir pari vallar.

Svo sem áður hefir komið fram hér á Golf 1 er mikill metnaður meðal franskra kylfinga að vinna á heimavelli og engin tivliljun að 2 franskar stúlkur vermi toppsætin, en annars stefnir bara í jafna og skemmtilega keppni um helgina, sem verður spennandi að fylgjast með.

Til þess að sjá stöðuna á Lacoste mótinu eftir 1. dag, smellið HÉR: