13 kvenstjörnur golfsins nr. 3: Judy Rankin

Judy Torluemke Rankin fæddist 18. febrúar 1945, í St. Louis, Missouri. Hún var aðeins 14 ára gömul þegar hún sigraði á „the Missouri Amateur.” Fimmtán ára var hún best af áhugamönnum sem þátt tóku í US Woman´s Open risamótinu. Aðeins 17 ára gömul gerðist hún atvinnumaður og sama ár, 1962, hóf hún langan og farsælan feril sinn á LPGA, þar sem hún vann alls 26 titla.Judy var efst á peningalista LPGA 1976 og 1977 og var á topp-10 peningalistans 11 sinnum á árunum 1965-1979.

Teikning af Judy Rankin

Hvað sem öðru leið þá tókst henni aldrei að sigra á risamóti; besti árangur hennar í þeim var 2. sætið á LPGA Championship, 1976; T-2 á Titleholders Championship, 1972; T-2 á US Women´s Open, 1972 og T-2 á LPGA Championship 1977.

Judy vann hins vegar Colgate Dinah Shore Winner’s Circle mótið (sem nú heitir Kraft Nabisco) árið 1976 og Peter Jackson Classic (sem síðar var endurskírt duMaurier) árið 1977,  en bæði mótin urðu síðar risamót, en þau töldust ekki til risamóta árin sem Judy sigraði þau.

F.v.: Judy Rankin, Dinah Shore og David Foster

Judy var tvívegis valin kylfingur ársins á LPGA og vann Vare Trophy fyrir lægsta meðaltalsskor þrisvar. Hún dró sig úr hlé frá keppnum, sem fullri vinnu, 38 ára, vegna krónískra bakverkja.

Judy var fyrirliði í sigurliðum Bandaríkjanna á Solheim Cup árin 1996 og 1998.

Hún var fyrsti kylfingurinn sem var valin í LPGA frægðarhöllina árið 2000, á grundvelli aldursákvæðis (ens. veterans category) og sama ár fékk hún einnig inngöngu í heimsfrægðarhöll kylfinga.

Árið 2002 fékk Judy, Bob Jones verðlaunin, sem eru æðstu heiðursverðlaun sem bandaríska golfsambandið veitir þeim sem auðsýnt hafa íþróttamannslega framkomu í golfíþróttinni.

Judy Rankin golffréttaskýrandi

Judy Rankin er golffréttaskýrandi á bandarísku sjónvarpsstöðvunum ABC og ESPN. Hún hefir einnig verið ráðgjafi tímarita á borð við Golf Digest og Golf for Women.

Judy giftist Walter Rankin, 1967, einnig þekktur sem „Yippy.” Saman eiga þau einn son, Walter Jr., sem kallaður er „Tuey” og er fæddur árið 1968.  Eiginkona Tuey er mágkona Geoff Ogilvy.

Judy Rankin greindist með brjóstakrabbamein í maí 2006. Hún lauk meðferð í ágúst 2006 og snéri aftur til starfa á ABC og rétt náði að koma aftur fyrir Women´s British Open.

Judy vann eftirfarandi 26 LPGA mót:

▪ 1968 (1) Corpus Christi Civitan Open

▪ 1970 (3) George Washington Golf Classic, Springfield Jaycee Open, Lincoln-Mercury Open

▪ 1971 (1) Quality First Classic

▪ 1972 (2) Lady Eve Open, Heritage Village Open

▪ 1973 (4) American Defender-Raleigh Classic, Lady Carling Open, Pabst Ladies Classic, GAC Classic

▪ 1974 (1) Baltimore Classic

▪ 1975 (1) National Jewish Hospital Open

▪ 1976 (6) Burdine’s Invitational, Colgate-Dinah Shore Winner’s Circle, Karsten-Ping Open, Babe Zaharias Invitational, Borden Classic, Colgate-Hong Kong Open

▪ 1977 (5) Orange Blossom Classic, Bent Tree Classic, Mayflower Classic, Peter Jackson Classic, Colgate European Women’s Open

▪ 1978 (1) WUI Classic

▪ 1979 (1) WUI Classic

 Heimild: Wikipedia