![](https://www.golf1.is/wp-content/uploads/2013/06/IMG_1050-630x472.jpg)
Afmæliskylfingur dagsins: Gísli Sveinbergsson – 31. ágúst 2013
Það er Gísli Sveinbergsson sem er afmæliskylfingur dagsins. Gísli er fæddur 31. ágúst 1997 og er því 16 ára í dag. Gísli er afrekskylfingur úr Golfklúbbnum Keili í Hafnarfirði.
Gísli er í afrekshóp völdum af landsliðsþjálfaranum okkar, Úlfari Jónssyni. Hann var því m.a. einn af þeim sem fóru í æfingaferð til Eagle Creek í ársbyrjun 2012, þá Íslandsmeistari 14 ára og yngri í holukeppni í strákaflokki.
Gísli tók þátt í Páskamóti Hellishóla í apríl 2012.
Þátttaka hans þar hefir vafalaust verið liður í undirbúningi fyrir mót Unglingamótaraðar Arion banka 2012 – en Gísli varð í 5. sæti á Þverárvelli það ár, en mótið þar var 2. mót Unglingamótaraðarinnar það ár!
Gísli var þar áður búinn að sigra á 1. mótinu á Unglingamótaröðinni , sem haldið var á Skaganum.
Meðal afreka Gísla í júní 2012 var að hann fór holu í höggi 2 daga í röð; fyrst á 16. holu á Korpúlfstaðavelli fimmtudaginn 7. júní 2012 og síðan á 16. holu á Hvaleyrarvelli tveimur dögum síðar, 9. júní 2012.
Gísli sigraði síðan í 3. móti Unglingamótaraðarinnar á Korpúlfsstöðum 2012.
Gísli hefir tekið þátt í fjölmörgum mótum fyrir Íslands hönd erlendis og það gerði hann m.a. 2012 en þá tók Gísli þátt í Finnish International Junior Championship og lék á samtals 14 yfir pari, 230 höggum (76 74 80) og varð í 9. sæti, sem hann deildi með 3 öðrum.
Síðan náði Gísli líka þeim glæsilega árangri að komast í gegnum niðurskurð í sterku unglingamóti í júlí 2012: Junior Open Championship á Fairhaven golfvellinum í Lancashire á Englandi, en þar voru hann og Ragnhildur Kristinsdóttir, GR, fulltrúar Íslands. Stuttu eftir að heim kom varð Gísli Íslandsmeistari drengja í höggleik 2012.
![Sigurvegarar á Íslandsmóti unglinga í höggleik í drengjaflokki 15-16 ára: Birgir Björn Magnússon, GK, varð í 2. sæti; Gísli Sveinbergsson, GK, Íslandsmeistari í höggleik í drengjaflokki; Ernir Sigmundsson, 3. sæti. Mynd: golf.is](http://www.golf1.is/wp-content/uploads/2019/07/1-Ísl-drengir-300x200.png)
Sigurvegarar á Íslandsmóti unglinga í höggleik í drengjaflokki 15-16 ára: Birgir Björn Magnússon, GK, varð í 2. sæti; Gísli Sveinbergsson, GK, Íslandsmeistari í höggleik í drengjaflokki; Ernir Sigmundsson, 3. sæti. Mynd: golf.is
Á Íslandsmótinu í holukeppni 2012 laut Gísli í lægra haldi fyrir Aroni Snæ Júlíussyni, í fjórðungsúrslitum 2&1, en var þó einn af 4 bestu á Íslandsmótinu í holu keppni það ár.
Gísli varð síðan í 7. sæti á síðasta mótinu á Oddinum á Unglingamótaröðinni 2012.
![Óðinn Þór, GKG; Gísl, GK og Birgir Björn, GK að fara yfir skor dagsins í síðasta móti Unglingamótaraðarinnar í Oddinum 2012, þ.á.m glæsiskor Óðins Þór, sem varð í 1. sæti. Mynd: Golf 1](http://www.golf1.is/wp-content/uploads/2019/08/1-Óðinn-Gísli-Birgir-Björn-300x225.jpg)
Óðinn Þór, GKG; Gísl, GK og Birgir Björn, GK að fara yfir skor dagsins í síðasta móti Unglingamótaraðarinnar í Oddinum 2012, þ.á.m glæsiskor Óðins Þór, sem varð í 1. sæti. Mynd: Golf 1
Dagana 20.-22. september 2012 tók Gísli þátt í European Boys Challege Trophy, sem fram fór í St. Sofia Golf & Spa, í Búlgaríu. Íslenska landsliðið varð í 4. sæti.
Gísli leikur ekki bara á Unglingamótaröðinni og á mótaröð þeirra bestu Eimskipsmótaröðinni – hann tekur af og til líka þátt í opnum mótum og þar stendur hann sig stórvel eins og alltaf. Þannig varð Gísli t.a.m. í 1. sæti í Marsmóti nr. 1 í Sandgerði á þessu ári (2013).
Á fyrsta móti Íslandsbankamótaraðarinnar í ár varð Gísli í 2.-4. sæti.
Þann 30. maí 2013 sigraði Gísli glæsilega á US Kids European Championship. Á lokahringnum fékk hann 1 fugl, 14 pör og 3 skolla, sem var glæsilegur árangur!!! Samtals lék Gísli á 5 yfir pari, 221 höggi (74 73 74). Mótið fór fram á á golfvelli Luffness New Golf Club í Skotlandi.
Á 2. móti Íslandsbankamótaraðarinnar, mótinu þar sem Fannar Ingi Steingrímsson, GHG, var á glæsiskorinu 61 höggi, varð Gísli í 5. sæti og fann sig aldrei í mótinu , sem haldið var á Strandarvelli á Hellu.
Gísli stóð síðan uppi sem Íslandsmeistari í holukeppni 2013 á Leirdalsvelli, en mótið var 3. mót Íslandsbankamótaraðarinnar 2013.
Gísli tók síðan aftur þátt í Vierumäki mótinu í Finnlandi (einn af 12 íslenskum keppendum 2013). Þátttaka hans þar varð til þess að hann missti af 4. móti Íslandsbankamótarðarinnar, sem fram fór á sama tíma. Til að gera langa sögu stutta lauk Gísli keppni í 2. sæti eftir bráðabana um 1. sætið í Finnlandi. Það er svo oft sem maður er að springa af monti yfir árangri Gísla Sveinbergs… og þetta var svo sannarlega ein af þeim stundum. Frábær kylfingur á ferð þar sem Gísli er!!!
Á 5. móti Íslandsbankamótaraðarinnar, sem að þessu sinni fór fram á Jaðrinum á Akureyri, landaði Gísli 2.-3. sætinu og á 6. mótinu sem var Íslandsmótið í höggleik varð Gísli í 4. sæti, en klúbbfélagi hans Hennig Darri Þórðarson, GK, stóð uppi sem Íslandsmeistari.
Gísli varð Íslandsmeistari með A sveit Keilis í drengjaflokki 2012 og með piltaflokki 18 ára og yngri 2013.
![Íslandsmeistarar í sveitakeppni GSÍ í flokki 15 ára og yngri drengja - A-sveit Golfklúbbsins Keilis í Hafnarfirði, skipuð 4 Íslandsmeisturum. F.v. : Atli Már Grétarsson, Helgi Snær Björgvinsson, Birgir Björn Magnússon (heldur á Íslandsmeistaraverðlaunagripnum), Henning Darri Þórðarson og Gísli Sveinbergsson. Lengst til vinstri er liðsstjóri og þjálfari drengjanna Sigurpáll Geir Sveinsson. Mynd: gagolf.is](http://www.golf1.is/wp-content/uploads/2019/08/1-GK-Islandsmeistarar-15-ara-og-yngri-300x200.jpg)
Íslandsmeistarar í sveitakeppni GSÍ í flokki 15 ára og yngri drengja – A-sveit Golfklúbbsins Keilis í Hafnarfirði, skipuð 4 Íslandsmeisturum. F.v. : Atli Már Grétarsson, Helgi Snær Björgvinsson, Birgir Björn Magnússon (heldur á Íslandsmeistaraverðlaunagripnum), Henning Darri Þórðarson og Gísli Sveinbergsson. Lengst til vinstri er liðsstjóri og þjálfari drengjanna Sigurpáll Geir Sveinsson. Mynd: gagolf.is
Það sem er næst á dagskrá hjá afmæliskylfingnum Gísla Sveinbergssyni er þátttaka í síðasta móti Eimskipsmótaraðarinnar Nettó- mótinu í Leirunni, 1. september 2013 og síðan í Unglingaeinvíginu í Mosfellsbæ, sem haldið verður 5.-6. september n.k.
Sjá má eldra viðtal við Gísla frá 2012 með því að SMELLA HÉR:
Komast má á facebook síðu afmæliskylfingsins til þess að óska honum til hamingju með afmælið hér að neðan:
![](https://fbcdn-profile-a.akamaihd.net/hprofile-ak-prn1/27352_1263711455_6361_q.jpg)
![](https://fbcdn-profile-a.akamaihd.net/hprofile-ak-snc4/372391_1658287954_851460502_q.jpg)
![](https://fbcdn-profile-a.akamaihd.net/hprofile-ak-prn1/161497_100000469463186_3789151_q.jpg)
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024