Manassero datt – Colsaerts með hita
Ítalski kylfingurinn Matteo Manassero viðurkennir að hann hafi verið heppinn að meiða sig ekki meir eftir að hann datt á rigningasleipri gangstétt í Zandvoort, s.l. miðvikudag, þ.e. daginn áður en hann hóf leik á KLM Open.
Eftir 1. hring varð hinn 20 ára Manassero frá Verona á Ítalíu, sem m.a. vann flaggskipskeppni Evrópumótaraðarinnar í ár, BMW PGA Championship, að leita sér aftur læknishjálpar, eftir að hafa komið inn á sléttu pari á 1. hring.
Manassero skrapp frá hótelinu sem hann er á í Zandvoort í Hollandi, til þess að fá sér eitthvað að borða og þegar hann var á leið aftur á hótelið datt hann um lítinn stöpul á hafnarbakka, sem notaður er til að bregða landfestum um.
Nr. 30 á heimslistanum (Manassero) reif buxur sínar og hlaut sár á báðum hnjám. Manassero hruflaðist líka á olnbogum og rispaði illilega armbandsúr sem honum var fært að gjöf frá styrktaraðila mótsins.
Hann haltraði seinni part opnunarhrings síns, þar sem honum tókst að fá 2 fugla en því miður líka 2 skolla.
„Ég var mjög heppinn að slasa mig ekki meir,“ sagði hann.
„Hnén á mér voru orðin sár í lok hringsins og það er út af því sem ég fór beint í læknisvagninn í skoðun. Þetta er bara eitt af því sem getur skeð. Ég hljóp og var að reyna að koma mér sem fyrst úr rigningunni og sá ekki stöpulinn á veginum. Þetta var svolítið húðfleiður á báðum hnjám sem e.t.v. þarf að líta á aftur en það er í lagi með mig.“
Aðrir sem voru veikir og slæptir var Belginn Nicolas Colsaerts sem Golf 1 fjallaði um í gær en hann var að reyna að harka af sér á KLM Open með hita og slæma hálsbólgu, á vellinum í Zandvoort, sem hann lék fyrst á þegar hann var 15 ára. Colsaerts sá hins vegar að það var ekki til neins, hann yrði að slappa af og taka því rólega, eftir að hafa skilað hring upp á 3 yfir pari, 73 þannig að hann dró sig úr mótinu.
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024