Evróputúrinn: Jamieson næstum á 59!
Skotinn Scott Jamieson var nálægt töfratölu golfsins, sögulegum 59 höggum á Portugal Masters í dag ….. því miður varð hann að gera sér 60 högg að góðu og vermir nú 2. sætið fyrir lokahringinn ásamt 3 öðrum og er 2 höggum á eftir forystumanni dagsins Paul Waring.
Hinn 29 ára Skoti (Scott Jamieson) frá Glasgow fékk 11 fugla á fyrstu 17 holum 3. hrings síns á Oceanico Victoria golfvelinum í Vilamoura og þurfti aðeins einn í viðbót á par-71 vellinum, til þess að ná í fyrstu 59-una á Evrópumótaröðinni.
Aðhögg hans fór því miður yfir flötina og vipp Jamieson af 5 metra færi straukst við holuna en datt því miður ekki.
En engu að síður. Glæsihringur hans upp á 11 undir pari, 60 högg varð til þess að hann skaust upp um 50 sæti og er eins og segir í 2. sæti ásamt 3 öðrum, 2 höggum á eftir Englendingnum Paul Waring, sem er einn efstur á samtals 16 undir pari.
Jamieson sagði m.a. í viðtali við Sky Sports: „Ég sagði við Richard (kaddýinn hans) eftir að hafa spila vel 17 holur, þá vil ég virkilega ná fugli hér þannig að ég hafi möguleika á að hann detti á síðustu holu og ég gæti ekki hafa beðið um betri högg. Ég vippaði aðeins of stutt frá holunni en þvílíkt vipp!
„Þegar ég fékk fugl á 13. holu sagði ég við Richard „nokkra í viðbót og við gætum verið hluti af sögunni.“ Ég var virkilega stressaður en svona mótslega séð þá eru þeir sem eru í forystunni a.m.k. á 16, 17 eða 18 undir pari þegar þeir spila lokahringinn á morgun þannig að það hélt mér við efnið.“
Jamieson, sem var á 66 höggum á fimmtudag en átti í erfiðleikum í gær (föstudag) og var á 73 bætti síðan við: „Ég spilaði virkilega vel fyrsta daginn en fékk ekkert út úr því. Ég var á 5 undir pari en lengsta púttið sem ég setti niður var e.t.v. 2,5 metra frá holu.“
„Mér finnst eins og ég hafi verið að spila vel í nokkurn tíma, það eru nokkrir góðir hringir hér og þar. Í gær (þegar hann var á 73) spilaði ég ekki endilega illa, skorið var bara ekki gott, þannig að þetta var gott í dag.“
Jamieson deilir 2. sætinu með Simon Thornton, Jamie Donaldson og Hennie Otto, meðan enn önnur þrenning kylfinga deilir 5. sæti: Pablo Larrazabal, Alvaro Quiros og Chris Doak.
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024