![](https://www.golf1.is/wp-content/uploads/2013/12/1-a-Villars-golf-club.jpg)
Golfvellir í Sviss (2/102): Golf Club Villars
Villars golfklúbburinn er í litla bænum Villars-sur-Ollon. Hann er ekki langt frá Genf, aðeins í 123 km fjarlægð og trónir 1300 metra yfir sjávarmáli. Sé bílaleigubíll tekinn ætti með auðveldum hætti að vera hægt að keyra frá Genf til Villars á 1 1/2 klst. (þ.e. einni og hálfri klukkustund), meðfram Genfarvatni, en leiðin er gullfalleg. Nú hefir aldrei verið auðveldara að spila golf í Sviss, en Icelandair flýgur beinustu leið til Genfar og þar má leigja sér bíl og spila golf hvar sem er á einum af 102 golfvöllum Sviss. (Sjá auglýsingu Icelandair um nýja golfáfangastaðinn Genf, efst í hægra horni Golf 1 vefsíðunnar.)
Kannski svolítið undarlegt að byrja kynningu á völlum „nálægt Genf“ á einum sem er svo langt í burtu uppi í fjöllunum, en ferðin er svo sannarlega þess virði. Sé ætlunin að vera 1 viku í Genf, mætti byrja á Villars og þræða vellina tilbaka til Genf en í þessari 1 1/2 tíma ökuferð er keyrt framhjá mörgum flottum völlum, „sem mætti taka í bakaleiðinni,“ a.m.k. ætti ekki að vera skotaskuld að spila Villars og síðan 2-3 aðra golfvelli, eða jafnvel fleiri (eftir því sem nenna, úthald, geta og fjárhagur leyfa) á bakaleiðinni, ef verja á einhverjum tíma síðan í Genf, sem auðvitað allir ættu að gera, en það má líka spila á völlum nær Genf og verða þeir vellir kynntir hver af öðrum á Golf 1. En svona 2-4 daga bíltúr upp í svissnesku Alpanna með inniföldu golfvallarhoppi, verður öllum eftirminnileg. Kosturinn við svona ferð er að allir geta pússlað saman hvaða golfvelli þeir vilja spila og hversu miklum tíma á að verja á hverjum stað. Verið bara lengur þar sem ykkur líkar, en hættan er á að íslenskir golfferðamenn ílengist og sjái þá bara 1 golfvöll í Sviss, því þeir eru allir mjög góðir og viðgjörningur (matur & gisting) á flestöllum stöðum frábær. Munið bara að ef ykkur á að endast ævin í að spila bara alla golfvelli í Sviss verður að spila fleiri en 1.
Villars golfklúbburinn var stofnaður 1922, en þá var golfvöllurinn aðeins með 9 holur. Hann var stækkaður árið 1973 (þ.e. fyrir 40 árum) í 18 holur og fluttur ofar þ.e. í 1660 metra hæð. Þann 1. september 1991 eyðilagðist klúbbhúsið þegar með saknæmum hætti var kveikt í því, en staðurinn var þá vinsæll áfangastaður stjarna á borð við Alain Prost, Jacques Lafitte, Patrick Tambay o.fl. sem þátt tóku í Pro-Am mótum.
Klúbbhúsið var að fullu endurbyggt 1995. Árið 2002 voru 9 holur vallarins endurgerðar og nú er völlurinn keppnisvöllur af hæsta standard. Klúbbmeðlimum hefir farið fjölgandi og í dag eru þeir yfir 500.
Af 1. teig er gullfallegt útsýni yfir Mont Blanc og ekki margir golfvellir í heiminum, sem geta státað af útsýni á hæsta fjall Evrópu.
Villars golfvöllurinn er nú í dag 18-holu par-70 fjallagolfvöllur, 5288 metra langur og eins og segir í 1600 metra hæð yfir sjávarmáli. Völlurinn er opinn, líkt og margir golfvellir á Íslandi, frá maí og til októberloka.
Upplýsingar:
Heimilisfang: Route du Col-de-la-Croix – Case postale 118, CH – 1884 Villars-sur-Ollon
Sími. : +41 24 495 42 14
Fax : +41 24 495 42 18
Tölvupóstfang : info@golf-villars.ch
Heimasíða: SMELLA HÉR:
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024