13 kvenstjörnur golfsins nr. 13: Grace Park

Grace Park alías Park Ji-eun (á kóreönsku: 박지은) fæddist 6. mars 1979 í Seoul í Suður-Kóreu og er því 32 ára.

Hún er suður-kóreanskur atvinnukylfingur, sem spilar á LPGA mótaröðinni. Hún á að baki 12 sigra á ferli sínum sem atvinnumaður í golfi, 6 á LPGA, 5 á Duramed og 1 annan sigur. Hún vann 2004 Kraft Nabisco risamótið.

Grace fluttist til Hawaii þegar hún var 12 ára og þaðan til Arízóna. Hún hlaut  Dial Award sem topp náms- og íþróttamaður í menntaskóla í Bandaríkjunum, árið 1996.

Hún spilaði með golfliði Arizona State University og útskrifaðist frá Ewha Womans University árið 2003.

Áhugamannsferill Grace er framúrskarandi hún var m.a. Rolex Junior nýliði ársins 1994 og 1996 og vann flest helstu áhugamannamótin 1998 m.a. U.S. Women’s Amateur og varð T-8, sem áhugamaður í U.S. Women’s Open 1999. Það ár, 1999 varð Grace atvinnumaður og spilaði fyrst á Futures Tour og síðan LPGA. Af fyrstu 10 mótum á Futures túrnum, sem hún tók þátt í sigraði hún í 5 og varð meðal fyrstu kylfinga til þess að hljóta sjálfkrafa þátttökurétt á LPGA, með því að vera á toppi peningalista Futures Tour.

Í apríl 2009 varð Grace að gangast undir uppskurð á mjöðm og varð að vera frá keppni í nokkra mánuði.

Boston Globe lýsti Grace Park eitt sinn sem „eftirtekarverðri fegurð, hávaxinni, með stolt göngulag og hrífandi bros.“

Styrktaraðilar Grace eru m.a. Nike og Rolex.

Heimild: Wikipedia