![](https://www.golf1.is/wp-content/uploads/2014/02/1-Jenetta-630x472.jpg)
Viðtalið: Jenetta Bárðardóttir GKB & GR
Viðtalið í kvöld er við kylfing, sem nýlokið hefir leiðbeinendanámskeiði í SNAG-golfi og starfar nú sem slík. Hún hefir spilað golf í 15 ár.
Fullt nafn: Jenetta Bárðardóttir.
Klúbbur: GKB og GR.
Hvar og hvenær fæddistu? Ég fæddist í Ólafsvík, 12. maí 1949.
Hvar ertu alin upp? Í Ólafsvík.
Í hvaða starfi/námi ertu? Ég er húsmóðir og í dag er ég SNAG leiðbeinandi.
![Jenetta að sýna hvernig á að nota rúllarann í SNAG-golfi en Jenetta er mjög góður SNAG leiðbeinandi](http://www.golf1.is/wp-content/uploads/2019/02/1-Jenetta-1-1--300x225.jpg)
Jenetta að sýna hvernig á að nota rúllarann í SNAG-golfi en Jenetta er mjög góður SNAG leiðbeinandi Mynd: Golf 1
Hverjar eru fjölskylduaðstæður og spilar einhver í fjölskyldunni golf? Maðurinn minn, Benóný Ólafsson, spilar golf og síðan systkini mín, makar og börn.
Hvenær byrjaðir þú í golfi? Ég byrjaði í golfi fyrir svona 15-16 árum.
Hvað varð til þess að þú byrjaðir í golfi? Eiginmaðurinn kom heim með golfsett og ég ákvað að prófa og sjá hvernig mér líkaði. Ég byrjaði á að fara í kennslu og svo út á völl um vorið – og fór þaðan heim um haustið m.ö.o. var þar alla daga. Ég var oft spurð að því hvort ekki ætti að koma upp með tjaldvagninn og parkera honum á bílastæðinu við klúbbhúsið, svo mikið var ég á vellinum.
Hvort líkar þér betur við skógar- eða strandvelli? Mér líkar betur við Skógarvelli – mér finnst gaman að glíma við þá – þeir ögra manni meira.
Hvort líkar þér betur holukeppni eða höggleikur? Höggleikur – vegna þess að þá er ég í keppni við sjálfa mig og keppni við að fara á sem fæstum höggum.
Hver er uppáhaldsgolfvöllur/vellir á Íslandi? Grafarholtið og Kiðjabergið .
Hefir þú spilað alla velli á Íslandi? Nei, ég veit ekki nákvæmlega hversu marga ég hef spilað. En ég er búin að spila þó nokkuð marga, e.t.v. svona 30-40.
Hver er uppáhaldsgolfvöllur/vellir hvar sem er í heiminum? Harbor Hill og Reunion í Flórída.
Hver er sérstæðasti golfvöllur sem þú hefir spilað á og af hverju? European Center Golf Club í Vilnius í Litháen. Þar var öll umgjörðin um völlinn svo falleg. Það var eins og aldrei hafi verið stigið á teig – hann var einhvern veginn svo nýr og vel við haldinn. Svo spiluðum við líka 3 velli í Riga, Lettlandi. Þar var sérstakt að ég sá engar konur á golfvellinum.
![European Center Golf Club í Vilníus, Litháen einum sérstakasta golfvelli sem Jenetta hefir spilað á.](http://www.golf1.is/wp-content/uploads/2014/02/1-a-le-meridien-golf-club-photo-w-300x201.jpg)
European Center Golf Club í Vilníus, Litháen einum sérstakasta golfvelli sem Jenetta hefir spilað á.
Hvað ertu með í forgjöf? 11,9. Ég lækkaði mig s.l. sumar
Hvert er lægsta skorið þitt í golfi og hvar/á hvaða velli náðir þú því? 82 högg hef oft farið svona 82/ 83 högg – ég man ekki hvar – held að það hafi verið á Kiðjaberginu og svo erlendis.
Hvert er helsta afrekið þitt til dagsins í dag í golfinu? Það er að fara holu í höggi. Í bæði skiptin í Oddi á 4. og 13. holu. Svo varð ég klúbbmeistari Kiðjabergs 2012.
Spilar þú vetrargolf? Já, en þá bara erlendis.
Hvaða nesti ertu með í pokanum? Ég er með banana, vatn, rúnnstykki og orkustangir. Ég þarf að vera að borða allan hringinn til að halda holdum.
Hefir þú tekið þátt í öðrum íþróttum? Nei.
Hver er uppáhaldsmaturinn þinn? uppáhaldsdrykkur? uppáhaldstónlist? uppáhaldskvikmynd? uppáhaldsbók? og uppáhaldsgolfbók? Uppáhaldsmaturinn minn er vel kæst og sterk skata – húnverður að vera það sterk að ég geti ekki dregið andann yfir henni. Uppáhaldsdrykkurinn minn er: vatn; Uppáhaldstónlistin: er með Ragga Bjarna og Baggalút. Uppáhaldskvikmyndin er: Happy Gilmore og The Intouchables, (Sjá má kynningu á The Intouchables með því að SMELLA HÉR: ) Uppáhaldsbókin mín er: Arnaldur Indriðason er uppáhaldsrithöfundurinn minn; Uppáhaldsgolbókin: er Saga golfsins á Íslandi.
Notarðu hanska og ef svo er hverskonar? Ég nota grifflur.
Hver er uppáhaldskylfingurinn þinn nefndu 1 kvenkylfing og 1 karlkylfing? Kk: Tiger Kvk.: Annika Sörenstam.
Hvert er draumahollið? Það er að fá að detta út á völl með Magga Birgis og Phill Hunter.
Hvað er í pokanum hjá þér og hver er uppáhaldskylfan þín? Ég er með Callaway kylfur og ætli 7-an sé ekki uppáhaldskylfan mín – Hún gerir mér stundum gott.
Hefir þú verið hjá golfkennara – ef svo er hverjum? Siggi P. var fyrsti kennarinn minn, en þar á eftir hafa Maggi Birgis og Phill Hunter séð um að afrugla mig á vorin, áður en ég byrja að spila.
Hver er besti golfkennari á Íslandi? Maggi Birgis og Phill Hunter eru bestir, finnst mér. Og hafa góða nærveru.
Ertu hjátrúarfull í golfinu og ef svo er hvernig birtist það? Ég er hjátrúarfull manneskja. Ég verð t.d. allaf að slá boltann þar sem hann liggur á flöt, þótt megi hreyfa vegna aðstæðna.
Hvert er meginmarkmið í golfinu og í lífinu? Það er að gera betur í dag en í gær í golfinu. Og í lífinu að horfa fram á veginn og ekki hanga í baksýnisspeglinum. Og hlúa vel að fjölskyldunni.
Hvað finnst þér best við golfið? Félagsskapurinn og útiveran.
Hversu há prósenta af golfinu hjá þér er andleg (í keppnum)? 80%.
Ertu með gott ráð sem þú getur gefið kylfingum? Já, þeir eiga að koma fram við kylfinga eins og þeir vilja láta koma fram við sig og sýna tillitssemi.
- ágúst. 31. 2024 | 20:00 Golfgrín á laugardegi (8/2024)
- ágúst. 31. 2024 | 17:30 LET Access: Ragnhildur úr leik – Guðrún Brá enn við keppni
- ágúst. 31. 2024 | 16:00 Afmæliskylfingur dagsins: Elías Kristjánsson – 31. ágúst 2024
- ágúst. 30. 2024 | 16:00 Afmæliskylfingur dagsins: Amanda Moltke-Leth – 30. ágúst 2024
- ágúst. 30. 2024 | 05:52 Íslandsmót golfklúbba: Golfklúbbur Fjallabyggðar Íslandsmeistari í 3. deild karla
- ágúst. 30. 2024 | 05:30 Unglingamótaröðin 2024: Eva Íslandsmeistari í holukeppni í fl. 17-18 ára stúlkna
- ágúst. 29. 2024 | 23:00 Áskorendamótaröð Evrópu ´24: 4 íslenskir kylfingar meðal keppenda í Konopiska
- ágúst. 29. 2024 | 18:00 Unglingamótaröðin 2024: Veigar Heiðarsson Íslandsmeistari í holukeppni í piltafl.17-18 ára
- ágúst. 29. 2024 | 18:00 LET Access: Guðrún Brá og Ragnhildur meðal keppenda á Get Golfing Womens meistara- mótinu
- ágúst. 29. 2024 | 17:00 Hjördís fór holu í höggi!
- ágúst. 29. 2024 | 16:00 Afmæliskylfingar dagsins: Sigríður Anna Kristinsdóttir og Aron Atli Bergmann Valtýsson 29. ágúst 2024
- ágúst. 28. 2024 | 21:00 GFH: Þorbjörg og Kjartan Ágúst klúbbmeistarar 2024
- ágúst. 28. 2024 | 16:00 Afmæliskylfingur dagsins: Lee McLeod Janzen —– 28. ágúst 2024
- ágúst. 27. 2024 | 18:00 PGA: Bradley sigraði á BMW meistaramótinu
- ágúst. 27. 2024 | 16:00 Afmæliskylfingur dagsins: Aldís Ósk Unnarsdóttir – 27. ágúst 2024