Wozniacki: „Þær voru pirrandi sögusagnirnar um sambandsslitin við Rory“

Tennisstjarnan Caroline Wozniacki,  kærasta Rory McIlroy, sagði í nýlegu viðtali að hún hefði fyrst hlegið að því í fyrra þegar sögusagnir fóru á flug um sambandsslit þeirra. Fljótlega, sagði hún, urðu þessar kjaftasögur þó pirrandi.  

Parið sem er þekkt sem’Wozilroy’ meðal áhangenda þeirra, tilkynnti um trúlofun sína á Twitter í miðri flugeldasýningu í Sydney, Ástralíu og fyrstu stundum þessa árs 2014.

Carolíne sýndi síðan öllum sem sjá vildu 8 karata trúlofunarhring sinn og vísaði á bug öllum kjaftasögum síðasta árs um sambandsslit hennar og Rory á Dubai Duty Free Tennis Championships í fyrradag.

Leikur hennar á tennisvellinum hefir sjaldan verið jafn slæmur en hin 23 ára danska stjarna virðist ánægð með lífið.

„Ég held að það mikilvægasta í lífinu er fjölskyldan, það að vera hamingjusöm og heilbrigð og að vera með gott fólk í kringum mig,“ sagði hún.

Um sambandsslitskjaftasögurnar sagði hún: „Það var ákveðið pirrandi. Þetta var augljóslega rangt, ég veit ekki nákvæmlega hver byrjaði á þessum kjaftasögum.“

„Mér dettur aðeins að kannski sé þetta fólk, sem vill ekki að við séum saman. Það er sorglegt að það sé til fólk sem skrifar sögur, sem ekki er byggðar á neinu, vegna þess að augljóslega hefir samband okkar alltaf verið sterkt og er sterkt.“

„Í upphafi hlógum við bara að sögunum. En þegar þær birtust aftur og aftur urðum við þreytt á þeim,“ sagði Caroline.