LPGA: Hápunktar lokahrings Honda LPGA Thailand – Myndskeið

Hin sænska Anna Nordqvist var á 4 undir pari, 68 höggum s.l. sunnudag (23. febrúar 2014) á Honda LPGA Thailand mótinu, þegar hún vann 3. titil sinn á LPGA mótaröðinni. Þessi 26 ára stúlka frá Svíþjóð var á samtals 15 undir pari og 2 höggum betri heldur en nr. 1 á heimslistanum Inbee Park, sem varð í 2. sæti.

Anna Nordqvist

„Ég er orðlaus ef ég á að vera hreinskilin,“ sagði Nordqvist eftir sigurinn. „Það eru nokkur ár síðan að ég vann síðast. Ég hef verið að vinna mjög mikið í leik mínum og það hefir verið svona upp og niður. Ég gæti ekki verið hamingjusamari hér. Þetta var svo erfitt á seinni 9. Inbee hélt áfram að setja niður fugla og Michelle Wie var að spila vel. Ég gat ekki andað þar til á síðasta púttina, þannig að ég gat aldrei slappað af fyrr en eftir síðasta púttið.“

Nordqvist byrjaði lokahringinn með 4 högga forystu en gerði leikinn strax áhugaverðari þegar hún fékk tvöfaldan skolla á par-4 5. holunni. Wie fékk 2. fuglinn sinn á 5. holu og minnkaði muninn í 1 högg.

“Michelle spilaði frábærlega og Inbee hélt mér við efnið allt til loka,“ sagði Nordqvist. „Ég varð bara að sterk.  Þær voru erfiðar fyrstu holurnar, en ég hélt áfram að spila vel á seinni 9.“

Nordqvist náði sér á strik með 4 metra fuglapútti á 7. holu og náði aftur 2 högga forystu, en lenti síðan aftur undir pressu þegar Inbee fékk fugla bæði á 7. og 8. holum. Park skilaði „hreinu“ skorkorti upp á 66 högg á lokahringum,en það dugði ekki gegn Nordqvist sem setti niður 5 af 7 fuglum sínum á seinni 9. Inbee sagðist engu að síður vera ánægð með fyrsta leik sinn árið 2014.

Nordqvist setti niður 7 metra fuglapútt á 10. holu og fékk 3 fugla í röð og var á tímabili komin með 3 högga forystu.

Í raun var Nordqvist komin með þetta þegar hún sökkti 4 metra pútti á 12. holu m.a. þannig að pláss var fyrir skollan sem hún fékk á 18. holu og hún sigraði með 2 högga mun.

„Þetta hefirverið í hörkuvinnu í allan vetur,“ sagði Nordqvist aðspurð um hverju hún þakkaði góðan árangur sinn.

„Ég held að Svíþjóð eigi mikið af góðum kylfingum. Henrik Stenson var frábær á síðasta ári og hann var mér innblástur eins og okkur öllum. Þetta er hörkuvinna hjá okkur öllum.“

Hér má sjá hápunkta 4. hrings á Honda LPGA Thailand SMELLIÐ HÉR: