Rory og Caroline giftast í NY

Rory McIlory áætlar að kvænast Caroline Wozniacki í íburðamikilu brúðkaupi í New York í nóvember á þessu ári.

Sagt er að gestalistinn í veislu þeirra sé eins og „hver er hvað“ listi í íþróttum.  Þau skötuhjúin hafa jafnvel boðið Bill Clinton, fyrrum Bandaríkjaforseta.

Engu verður til sparað til þess að gera brúðkaupsdaginn eins tilkomumikinn og mögulegt er.

Fjölskylda og vinir eru mjög mikilvægir báðum aðilum. Þar sem peningar eru engin fyrirstaða fylgir boðskortinu í brúðkaupsveisluna farmiði til New York, búi sá sem  boðinn er ekki í New York.

Búist er við að svaramaður Rory verði æskuvinur hans og samkylfingur Harry Diamond, sem mun á árinu kvænast Belfast módelinu Katie Larmour.

Þau Rory og Caro trúlofuðu sig í Sydney, Ástralíu á nýársdag á þessu ári  (Golf 1 var fyrst með fréttina hér á Íslandi – Sjá með því að SMELLA HÉR:)

Við það tilefni gaf Rory, Caroline átta karata £120,000 trúlofunarhring.

Hringur með safírsteini umsveipaður demöntum – trúlofunarhringur Diönu prinsessu af Wales og nú Kate Middleton verðandi Bretadrottningu en hringur Caroline Wozniacki þykir svipa mjög til hans.

Skötuhjúin sögðust hafa ákveðið dagsetningu brúðkaupsins þegar í síðasta mánuði en ætluðu að halda henni fyrir sig í svona fyrst um sinn.

„Já, við höfum ákveðið daginn,“ sagði Caroline.

Aðspurð hvort þau myndu giftast á þessu ári brost Caro og sagði: „Maður veit aldrei.“

„Ég er svo spennt – þetta er svo spennandi tími.“

Í janúar viðurkenndi Rory að það hefði verið taugatrekkjandi að fara niður á hnén og bera upp bónorðið.

„Ég svitnaði …. mikið“

„Ég bjóst svona við að hún myndi segja já, en maður veit aldrei.“

„Þetta var frábær leið að ljúka 2013 og byrja 2014. við vorum á bát í höfninni í Sydney um áramótin rétt fyrir framan óperuna og flugeldasýningin að hefjast.“

„Jamm, þetta var svolítið rómantískt og já þetta kom henni á óvart. Ég vissi að þetta var það sem hún vildi og vonaði að hún segði „já“ sem hún gerði,“ sagði hann.

Wozniacki spáði því að trúlofunin myndi færa þeim „rólegheit.“  „Við vitum hvað við viljum og þetta gefur okkur jafnvel enn meiri tíma að einbeita okkur að karríerum okkar,“ bætti Caro við.

Varðandi rómantíska bónorðið sagði hún að það hefði verið „mjög hefðbundið. Hann spurði foreldra mína og fór niður á annað hnéð fyrir framan mig.“

Rory lauk viðtalinu með því að segjast hafa beðið foreldra Caro um hönd dóttur þeirra í desember og sagði síðan: „Hún er svo sannarlega sú rétta fyrir mig!“