Rory vill meiri stöðuleika í leik sinn á Masters

Þegar Rory McIlroy lítur yfir leik sinn á Masters mótinu 2013 – þá vonar hann að í þetta sinn takist honum að setja saman 4 góða hringi á Augusta nú í ár.

Í fyrra lauk Rory keppni á The Masters T-25 þ.e. deildi 25. sætinu með öðrum kylfingum – en sækir þó huggun í að lokahringur hans var upp á 69 högg og það rétt eftir að hann hafði átt vonbrigða 3. hring upp á 79 högg.

„Ég veit að ég hef spilað nógu gott golf til þess að sigra hér nokkrum sinnum; þetta snýst aðeins um að ná öllu saman á einni viku. Þetta getur verið pirrandi golfvöllur (Augusta National)“ sagði Rory.

En sagan er nr. 7 á heimslistanum (Rory) ekki hagstæð.  Þegar farið er yfir þátttöku hans í Masters sést að hann hefir nánast átt einn slæman hring öll skipti sem hann hefir tekið þátt.  79 höggin í fyrra voru þó skárri en höggin 80 sem hann var með 2011 og síðan var 3. hringur hans 2012 upp á 77. Árið 2010 komst hann ekki einu sinni í gegnum niðurskurð þar sem hann átti hringi upp á 74 og 77.

„Það má svo lítið út af bera og ef maður gerir eitthvað rangt þá er manni refsað hörkulega fyrir.“

Tvöfaldi risamótssigurvegarinn (Rory) rétt slapp við að eiga sigurlaust ár, 2013, þegar hann sigraði á Australian Open í  desember  í blálok ársins 2013 og síðan þá hefir hann átt nokkrar góðar frammistöður (m.a. orðið í 2. sæti tvisvar).

„Mér finnst eins og allt sé loks farið að smella með sveifluna mína,“ bætti hinn 24 ára Rory við.

„Mér gekk stig af stigi betur og betur og vinnan sem ég hef lagt í golfleik minn í fríum hefir hjálpað og ég hef náð þeim punkti nú þar sem mér líður vel með allan leik minn og sveiflu.“

„Ég sé höggin verða eins og ég vil að þau komi út. Þegar ég geri það finnst mér eins og skorið sé aðeins aukaafurð allrar hörkuvinnunnar.“

Rory var t.a.m. í  forystu á Honda Classic með hringi upp á 63, 66 og 69 og var með 2 högga forystu fyrir lokahringinn. Þar spilaði hann á 74  höggum og tapaði fyrir Russell Henley í 4 manna bráðabana.

„Mér fannst ég jafnvel heppinn að komast í bráðabanann. Ég spilaði ekki vel allan tímann þannig að jafnvel ef ég hefði sigrað hefði mér fundist það óverskuldað.“

Það vantar einfaldlega svolítið stöðuleika í leik Rory og hann dregur enga fjöður yfir það. En nú hefir hann aðeins tæpar 2 vikur að bæta úr því fyrir The Masters, sem hefst 7. apríl n.k.;  (keppnin stendur 10.-14. apríl).