Afmæliskylfingur dagsins: Phill Hunter – 2. október 2011

Það er Phill Hunter, golfkennari í MP Golf Academy hjá Golfklúbbnum Oddi, sem er afmæliskylfingur dagsins.  Phill er breskur og fæddist 2. október 1964.  Hann er kvæntur og á 1 strák.

Phill hefir yfir 27 ára reynslu af golfkennslu. Á árunum 1983-1986 vann hann við Wath Golf Club og á árunum 1986-1988 við Grange Park Golf Club í Englandi.

Hér á landi var Phill golfkennari hjá GR 1988-1991 og hjá GS 1992-1996 auk þess sem hann þjálfaði unglingalandsliðið á þessum árum.

Phill og fjölskylda bjuggu síðan um 11 ára skeið í Þýskalandi þar sem hann var yfirgolfkennari við Golfclub Haus Kambach í Eschweiler.  Þar stofnaði hann H20 Golf Academy.

MP Golf

Eftir heimkomu til Íslands stofnaði Phill MP Academy árið 2010 ásamt Magnúsi Birgissyni, golfkennara, en golfskóli þeirra hefir aðalbækistöðvar hjá Golfklúbbnum Oddi í Garðabæ.  Golfkennarar MP Academy eru auk Phill, Magnús Birgisson og Andrea Ásgrímsdóttir.

Það er um að gera að halda sér í góðu golfformi yfir veturinn og fyrir þá sem vilja panta sér frábæran golftíma þá er sími Phill: 618-1897

Fræðast má nánar um afmæliskylfinginn okkar og MP Academy með því að smella hér: MP ACADEMY 

Golf 1 óskar Phill innilega til hamingju með afmælið!

Aðrir frægir kylfingar sem eiga afmæli í dag eru: Pálmi Gestsson, f. 2. október 1957 (54 ára); John Neumann Cook, f. 2. október 1957 (54 ára); Libby Wilson, f. 2. október 1963 (48 ára); Craig Kanada, f. 2. október 1968 (43 ára).