Afmæliskylfingur dagsins: Lorena Ochoa – 15. nóvember 2021

Afmæliskylfingur dagsins er Lorena Ochoa. Ochoa er fædd 15. nóvember 1981 og á því 40 ára stórafmæli í dag.

Lorena Ochoa var aðeins 29 ára 2010 og hafði verið nr. 1 í kvennagolfinu frá árinu 2007, þegar hún tilkynnti að hún hyggðist draga sig í hlé eftir 27 sigra á LPGA, þar af 2 risamótstitla. Hún giftist Andres Conesa, fyrir 2 árum og í apríl fyrir 10 árum tilkynntu þau að Lorena væri ófrísk. Conesa er forstjóri mexíkanska flugfélagsins Aeromexico.

Lorena Ochoa bætti síðan við enn einum verðlaunum við safnið sitt heima 8. desember 2011 og þessi dýrmætari en öll hin til saman – þegar hún fæddi frumburðinn, strák sem hlaut nafnið Pedro.

„Við erum ánægð að geta tilkynnt að sonur okkar Pedro fæddist í dag (þ.e. 8. desember 2011) kl. 8:58 og okkur líðum báðum vel. Pedro er 2,8 kg og 48 cm langur, þakka ykkur öllum fyrir stuðninginn,“ skrifaði Lorena á Twitter á sínum tíma.

Lorena er gestgjafi  Lorena Ochoa Invitational í heimabæ sínum Guadalajara í Mexíkó, en mótið er hluti af LPGA mótaröðinni.

Aðrir frægir kylfingar sem eiga afmæli í dag eru: Edward Loar, 15. nóvember 1977 (44 ára); Ottó Sigurðsson, 15. nóvember 1979 (42 árs); Lorena Ochoa 15. nóvember 1981 (40 ára STÓRAFMÆLI); Ben Silverman, 15. nóvember 1987 (34 ára); Joakim Lagergren, 15. nóvember 1991 (30 ára STÓRAFMÆLI); Sóley Kristmundsdóttir, 15. nóvember 1990 (31 árs); Félag einstæðra foreldra (52 ára) ….. og …..

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is