Afmæliskylfingur dagsins: Sigurður Arnar Garðarsson – 26. febrúar 2014

Sigurður Arnar kom sér niður í 13,5 í forgjöf aðeins 10 ára!!! Sumarið 2012 (10 ára) varð hann m.a. klúbbmeistari GKG í aldursflokknum 12 ára og yngri.

Sigurður Arnar (f.m.), klúbbmeistari 12 ára og yngri hjá GKG 2012. Mynd: GKG

Sumarið 2012 tók Sigurður Arnar þátt í Unglingamótaröð Arion banka og spilaði þar í strákaflokki (14 ára og yngri) gegn strákum sem voru oft á tíðum 4 árum eldri en hann.  Engu að síður gekk Sigurði Arnari bara vel t.a.m. varð hann í 11. sæti af 35 þátttakendum á 3. móti Unglingamótaraðarinnar, sem fram fór 15. og 16. júní 2012 á Korpunni.

Sigurður Arnar í 3. móti Unglingamótaraðar Arion banka 2012 á Korpunni. Mynd: Golf 1

Árið 2011 (9 ára) tók Sigurður Arnar einnig þátt í nokkrum opnum mótum og er t.d. mjög eftirminnileg frammistaða hans á Bylgjan Open, sem var tveggja daga mót á Leirdalsvelli, heimavelli Sigurðar Arnars, með niðurskurð eftir fyrri daginn. Þátttakendur voru 198 og Sigurður Arnar gerði sér lítið fyrir og varð í 2. sæti á mótinu með 73 punkta, 38 fyrri daginn og 35 seinni.

Í fyrrasumar, 2013, lék Sigurður Arnar á Íslandsbankamótaröðinni í strákaflokki 14 ára og yngri, aðeins 11 ára. Engu að síður varð hann í 4. sæti á stigalista GSÍ í strákaflokki, sem er stórglæsilegur árangur!!!

Nú í febrúar 2014 varð Sigurður Arnar efstur í flokki 12 ára og yngri stráka á 2. púttmótinu í púttmótaröð barna og unglinga í GKG, en Sigurður Arnar er slyngur púttari.

Sigurður Arnar á ekki langt að sækja golfgenin, en foreldrar hans eru Garðar Ólafsson og Ragnheiður Sigurðardóttir og eru bæði miklir kylfingar. Ragnheiður, GKG, móðir Sigurðar Arnar hefir m.a. spilað á Eimskipsmótaröðinni  og í móti 35+. Eins er bróðir hans, Ragnar Már snjall kylfingur og m.a. sigurvegari Duke of York 2012 (sjá má nýlegt viðtal Golf 1 við Ragnar Má með því að SMELLA HÉR:)

Aðrir frægir kylfingar sem eiga afmæli í dag eru: James Russell Ahern 26. febrúar 1949 (65 ára) og Katherine Hull, 26. febrúar 1982 (32 ára); Anna Scott 26. febrúar 1986 (28 ára) …. og …..

Hrafn Gk (30 ára)

Leszek Wolynski (45 ára)

Golf 1 óskar afmæliskylfingnum innilega til hamingju með 11 ára afmælið og öðrum kylfingum sem afmæli eiga í dag til hamingju með daginn!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is