Afmæliskylfingur dagsins: Þóra Jónsdóttir og Belinda Kerr – 18. janúar 2019

Afmæliskylfingar dagsins eru tveir: Þóra Jónsdóttir og ástralski kylfingurinn Belinda Kerr.

Þóra er fædd 18. janúar 1964 og á því 55 ára afmæli í dag. Komast má á facebook síðu afmæliskylfingsins hér að neðan til þess að óska henni til hamingju með afmælið

Þóra Jónsdóttir
f. 18. janúar 1964  – 55 ára – Innilega til hamingju með afmælið!!!

Belinda Kerr fæddist í dag, 18. janúar fyrir 35 árum (þ.e. 1984) í Paddington, í Sydney, Ástralíu.

Belinda hóf að spila golf 13 ára gömul vegna þess að bróðir hennar Jared dró hana út á völl, en hún hefir einnig keppt f.h. Queensland í Ástralíu í blaki, frjálsum og dansi.

Það var ekki fyrr en hún kláraði háskólann að hún ákvað að snúa sér algerlega að golfinu.

Belinda gerðist atvinnumaður í golfi árið 2005 og hefir spilað á áströlsku ALPG mótaröðinni, sem og utan Ástralíu og þá einkum í Bandaríkjunum.

Belinda telur árið 2004 besta og stöðugasta ár sitt. Hún sigraði í Titanium Ladies Classic, og var í 2. sæti í the Queensland, South Australian og Australian áhugamannamótunum og eins í 2. sæti í the Victorian Amateur. Hún varð einnig í 1. sæti af áhugamönnum í ALPG Ladies Players Championship, árið 2005, stuttu áður en hún gerðist atvinnumaður, eins og áður segir í mars 2005.

Fyrsti sigur Belindu, sem atvinnumanns vannst strax í 4. móti hennar the Mollymook Pro-Am, Ástralíu árið 2005.

Árið 2006 spilaði Belinda á Futures Tour í Bandaríkjunum og var besti árangur hennar þar T-47 það ár. Belinda hefir m.a. farið holu í höggi og á 7 vallarmet á völlum í Ástralíu.

Belinda er ein af þeim áströlsku kvenkylfingum tóku þátt í gerð „Top Shots: Women of Professional Golf 2007 Calendar“, sem olli miklu fjaðrafoki í Ástralíu Myndin hér að ofan er einmitt úr því dagatali. Hún þykir með kynþokkafyllri kvenkyns atvinnukylfingum.

Þessi grein greinarhöfundar birtist áður á iGolf 18. janúar 2011, en birtist hér uppfærð og að nokkru breytt.

Aðrir frægir kylfingar sem eiga afmæli í dag eru m.a.: Buell Patrick Abbott 18. janúar 1912 – 1984 (102 ára fæðingarafmæli í dag!); Guðný María Guðmundsdóttir, GVS, 18. janúar 1955 (64 ára); Heiðar Ingi Svansson, 18. janúar 1968 (51 árs);  Zander Lombard, 18. janúar 1995 (24 ára); Haukur Húni Árnason, 18. janúar 1997 (18 ára)  …. og ….

Golf 1 óskar afmæliskylfingum dagsins innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is